Video: Ja si I përshëndet fansat Ballist Morina pas lirimit nga burgu

Vlorë:

9 - Shkolla e Marinës

10 - Plazhi i Ri

Sarandë:

11 - Plazhi i Ri

12 - Kanali i Çukës /Gazeta Express/

SHBA/ Meta takon Katko, masa për forcimin e sigurisë në aeroporte
Gjatë takimeve të tij në Kongresin Amerikan, Kryetari Kuvendit të Shqipërisë, Ilir Meta u takua me Kongresmenin e Nju Jorkut, John Katko, Kryetar i Nënkomisionit të Sigurisë së Transportit në Komisionin e Sigurisë Kombëtare.

Kryetari Meta dhe Kongresmeni Katko biseduan mbi sfidat e sigurisë që po kalon bota, mbi rrezikun që vjen nga përhapja e terrorizmit ndërkombëtar dhe mbi masat që duhen ndërmarrë për forcimin e sigurisë së aeroporteve dhe pikave ndërkufitare.

Në këtë drejtim, Kryetari i Kuvendit Meta vlerësoi bashkëpunimin e ngushtë që Shqipëria gëzon me aleatin e saj SHBA.

Kongresmeni Katko e siguroi Kryetarin e Kuvendit Meta për angazhimin e tij në funksion të trajnimit të vazhdueshëm të punonjësve të sigurisë jo vetëm në Aeroportin “Nënë Tereza”, por edhe në aeroporte të tjera që priten të hapen në Shqipëri në të ardhmen.

Kongresmeni Katko u shpreh se ‘hapësira territoriale dhe siguria në Shqipëri, si një vend anëtar i NATO-s, ka të njëjtën rëndësi si në çdo vend tjetër të NATO-s.

Me këtë qëllim, Kongresmeni Katko iu përgjigj ftesës së Kryetarit Meta për të vizituar Shqipërinë, për të diskutuar mbi forcimin e bashkëpunimit dypalësh në fushën e sigurisë.

Foto/ Fëmija deklarohet i vdekur, nëna e përqafon... ndodh ajo që s’pritej
Kate dhe David Ogg, kishin pritur tre vjet para se të bëheshin prindër të dy binjakëve. Lindja ishte e parakohshmem, në 25 mars të vitit 2015 dhe kur Kate po e pyeste doktorin për të birin, ai i komunikoi se nuk ja doli.

Instinktivisht Kate kërkoi që ta merrte fëmijën dhe e vendosi të voglin Jamie në kraharor, ndërsa prej tij nuk dëgjohej asnjë rrahje zemre.

Pranë saj ndodhej David, i cili i përqafoi që të dy. Por teksa nëna po i fliste, Jamie i deklaruar i vdekur, nis që të lëviz dhe i shtrëngon njërin gisht të atit.

Prindërit e rinj nuk arrijnë që ta besonin, Jamie u kthye në jetë.

Tashmë James dhe motra e tij Emily nga Queensland, Australi, gëzojnë shëndet të plotë dhe janë rritur, ndërsa janë bërë edhe me një vëlla tjetër.

Foto/ Fëmija që s’di të ecë as të flasë, por di të notojë

Një vajzë dy vjeçare me një gjendje fizike shumë të rrallë, që as nuk mund të ecë e as të flasë, është cilësuar si “sirena e vogël”, pasi që ka mahnitur me aftësitë e saj për të notuar pa ndihmën e askujt, shkruan “Daily Mail”.

Michelle Carr dhe Jonathan Carr nga Anglia, ishin mërzitur shumë kur e kishin kuptuar se vajza e tyre e vogël, ishte diagnostikuar me një çrregullim shumë të rrallë të trurit, të quajtur Pachygyria kur ajo ishte vetëm pesë muajshe.

Emri i saj është Evalyn dhe që në muajin e pestë të lindjes, ajo kishte manifestuar simptome të zhvillimit të vonuar, epilepsi, bonifikim të dobët të muskujve dhe kokë të vogël apo mikrocefali.

Mirëpo çuditërisht, ajo ka një aftësi të jashtëzakonshme në të notuar dhe këtë prindërit e kishin vërejtur kur ajo ishte 18 muajshe, dhe që atëherë ajo po shënon shumë progres.

Prindërve të saj u ishte thënë nga ana e doktorëve, se për vajzën e tyre s’ka shërim, por i kishin rekomanduar ata që të fillonin me fizioterapi dhe hidroterapi për vajzën, transmeton Klan Kosova.

Kështu ajo kishte filluar që të notonte e vetme që 18 muajshe, pa ndihmën e askujt dhe kjo po i ndihmon që t’i zhvillojë lëvizjet motorike dhe muskujt e saj.

Basha publikon video: Kjo është reforma në drejtësi e Ramës

Kreu i PD-së, Lulzim Basha, i ka dhënë një përgjigje surprizë kryeministrit Edi Rama dhe ministrit të Brendshëm, Saimir Tahiri.

Me anë të një video të postuar në rrjetet sociale, Basha i është përgjigjur Ramës dhe Tahirit për Reformën në Drejtësi dhe trafikun e lëndëve narkotike.

Përmes kësaj video, Basha tregon gjithë “fytyrat” që sipas tij, e bëjnë Ramën të pabesueshëm për atë që po kërkon me ngut. Pro Reformës në drejtësi, thotë Basha, por një drejtësie të pakalur.

Më herët Rama, shkruante se PD nxjerr historinë e përgjimeve ngaqë po vjen ora e reformës.

Më poshtë shikoni videon e postuar nga kreu i PD-së, Lulzim Basha:

Sekuestro 1.3 mln dollarëve të Rezart Taçit. Kontrolle në 16 banka

Policia e Shtetit ekzekuton urdhërin e Gjykatës duke vendosur nën sekuestro llogaritë bankare të Rezart Taçit. Strukturat e specializuara kundër krimit financiar në Policinë e Shtetit, në bashkëpunim me Sektorin Kundër Pastrimit të Parave dhe Seksionin përkatës në Drejtorinë e Policisë së Tiranës, kanë vënë nën sekuestro llogaritë bankare të shtetasit Rezart Taçi, sipas vendimit të Gjykatës së Shkallës së Parë Tiranë.

Në bazë të këtij vendimi, po kryhen veprime procedurale hetimore në 16 banka të nivelit të dytë dhe janë sekuestruar tashmë 1.3 milionë dollarë nga llogaritë e shtetasit në fjalë.

Akuza ndaj Taçit është: “Pastrim të produkteve të veprës penale dhe veprimtarisë kriminale” dhe hetimet janë shtrirë edhe në lidhjet e tij shoqërore e familjarëve të përfshirë në këtë aktivitet.

Edhe në vitin 2014, shtetasi Rezart Taçi, ka qenë i proceduar penalisht nga Drejtoria për Hetimin e Krimit financiar në Policinë e Shtetit, nën akuzat për “Fshehje te ardhurash, mospagim taksash, falsifikim dokumentesh dhe mashtrim”.

Në kuadër të këtij procedimi, detyrimet tatimore ndaj shtetit dhe kompanive “të tjera” llogariten në mbi 14 milionë euro.

Bora Kokëdhima i përgjigjet akuzave të gazetarit për veshjen e Eneida Tarifës
Është bërë personazhi i të gjitha lajmeve ditën e sotme stilistja Bora Kokëdhima për shkak të një deklarate të ashpër që gazetari i njohur kosovar, Milaim Zela, bëri kundër saj.

“Anabel.al” kontaktoi Borën për të ditur dhe versionin e saj rreth asaj çfarë ndodhi vërtet në Eurovisionin kaq të komentuar të këtij viti.

“Nuk jam shumë në dijeni të lajmeve, por unë e dija që komente do kishim. Komente ka patur që në fillim, negative dhe pozitive.

Në fund të fundit, s’mund t’i kënaqësh të gjithë. Unë detyrën time e kam bërë deri në fund dhe siç e patë të gjithë, Eneda në skenë doli e veshur”,- deklaroi Bora.

Ndërkohë edhe përsa i përket akuzave se u kthye në Tiranë përpara përfundimit të spektaklit, që sipas Zekës, një gjë e tillë e la Enedën të shokuar, vetë Bora tha: “Unë shtyva afatin e koleksionit tim për të qëndruar pranë stafit.

U ktheva se s’mund ta vonoja më shumë”.

Komunikimi i “Anabel” me stilisten vjen pas komentit që gazetari i njohur kosovar Milaim Zeka bëri ditën e së hënës në faqen e tij në Facebook.

“Nuk është shkruar përshembull që stilistja Bora Kokëdhima, vetëm që nuk ishte lejuar të futej në “Green room”, e ofendoi Enedën në mënyrën më të poshtër, duke dashur edhe të ja merrte fustanin.

Ajo madje, pra Bora Kokëdhima, u kthye në Tiranën me datën 11, duke e shokuar këngëtaren, që po të isha në vendin e Tarifës, do ta refuzoja ngjitjen në Skenë…!”,- shkruan Milaimi duke i’u bashkangjitur kështu komenteve të shumta që janë bërë për pjesëmarrjen e Shqipërisë këtë vit në festivalin më të rëndësishëm Europian të këngës.
SHBA/ Meta kërkon heqjen e taksimit të dyfishtë dhe njohjen e pensioneve
Gjatë takimeve të tij në Kongresin Amerikan, Kryetari Kuvendit të Shqipërisë Ilir Meta zhvilloi një takim me Kryetarin e Nënkomisionit për Bujqësinë, Kongresmenin Robert Aderholt.

Kryetari i Kuvendit Meta pasi e njohu Kongresmenin Aderholt me zhvillimet e fundit në Shqipëri, vuri në dukje se projektet e bujqësisë shqiptare meritojnë mbështetje dhe vëmendje më të madhe duke patur parasysh potencialet e kësaj fushe në Shqipëri.

Në këtë kuadër, Meta vlerësoi vizitën e fundit në Departamentin e Ushqimit dhe Bujqësisë në SHBA dhe nënvizoi se përmirësimi i procesit të sterilizimit, përpunimit dhe përgatitjes së bimëve medicinale do të rrisë kapacitetet eksportuese të Shqipërisë për në tregun amerikan.

Njëkohësisht, Kryetari Meta kërkoi mbështetjen e Kongresmenit Aderholt për heqjen e taksimit të dyfishtë dhe për njohjen e kontributeve shoqërore të shtetasve respektivë që punojnë në të dy vendet.

Kongresmeni Robert Aderholt, si një njohës i mirë i rajonit dhe mik i shqiptarëve, konfirmoi angazhimin e tij për të ndjekur nga afër forcimin e bashkëpunimit mes dy vendeve me qëllim rritjen e fluksit të shkëmbimeve dypalëshe në fushën e bujqësisë.

“Patëm një takim mjaft të frytshëm ku folëm për çështjet të ndryshme të bujqësisë dhe se si mund të bashkëpunojnë Shqipëria dhe SHBA-të në këtë drejtim. Diskutuam për shumë çështje që kanë të bëjnë me zhvillimin e bujqësisë dhe për të vendosur piketat e bashkëpunimit në të ardhmen veçanërisht për ato produkte që mund të ofrojë Shqipëria në fushën e agrikulturës”,- tha Kongresmeni Aderholt.

Meta u prit në Washington D.C. në Departamentin e Bujqësisë dhe Ushqimit të SHBA-ve.

Gjatë një vizite në Departamentin e Bujqësisë dhe Ushqimit të SHBA, Kryetari i Kuvendit të Shqipërisë zhvilloi një takim me Administratorin e Shërbimit të Jashtëm Bujqësor Philip C Karsting dhe me funksionarë të tjerë të USDA, me të cilët bisedoi mbi rritjen e bashkëpunimit dhe shkëmbimeve në fushën e bujqësisë.

Kryetari i Kuvendit Ilir Meta vuri në dukje se bujqësia po njeh zhvillime pozitive në Shqipëri, dhe duke marrë në konsideratë shkëmbimet mes Shqipërisë dhe SHBA, autoritetet shqiptare vlerësojnë mbështetjen amerikane në funksion të rritjes së kapaciteteve prodhuese, eksportuese dhe përmirësimit të standardeve ushqimore të eksporteve shqiptare drejt SHBA.

Meta u shpreh: “Ne po punojmë për rritjen e gamës së produkteve bujqësore ‘Made in Albania’, pasi bujqësia është një prioritet i veçantë për qeverinë shqiptare, dhe në këtë drejtim çmojmë mbështetjen e USDA dhe të agjencive të tjera amerikane”.

Administratori i Shërbimit të Jashtëm Bujqësor të USDA Philip Karsting u shpreh se në kuadër të rritjes së bashkëpunimit dypalësh, sugjerohet organizimi i një takimi në nivel ekspertësh nga të dy vendet, i cili të pasohet prej një takimi në nivel ministror.

Karsting shprehu angazhimin e Qendrës për Vlerësimin e Standardeve Ushqimore CODAX në mbështetje të rritjes së standardeve të eksporteve bujqësore shqiptare, dhe ndau bindjen me kryeparlamentarin Meta se mbështetja e agjencive të specializuar amerikane do të kontribuojë në rritjen e kapaciteteve prodhuese dhe eksportuese bujqësore të Shqipërisë.

Mbrojtja: Ja kriteret e reja për ata që duan të bëhen pjesë e FA-së
Ministria e Mbrojtjes rishikon kriteret që duhet të plotësojë çdo i ri që aspiron për tu bërë pjesë e Forcave të Armatosura të Republikës së Shqipërisë.

Nëse nuk i ke kaluar 22 vjeç, je i gjatë 165 cm, ke një fizik të rregullt e gjendje të mirë shëndetësore, ke mbaruar shkollën e mesme, nuk je martuar dhe nuk je dënuar nga gjykata për vepra penale mund të jesh kandidati i duhur për t’u bere pjesë e Forcave të Armatosura.

Qendra e Personel Rekrutimeve ka publikuar rregulloren e re për shtetasit shqiptar të cilët do të përzgjidhen si oficerë dhe nënoficerë.

Ministria e Mbrojtjes ka ulur moshën e kandidateve dhe gjatësinë. Më parë ajo kufizohej mes 18 dhe 27 vjeç ndërsa tashmë ata nuk duhet ti kalojnë të 22 vitet. Meshkujt mjafton të kenë lartësi trupore 165 cm për tu pranuar nga 170 cm që ishte deri para një viti, ndërsa femrat 160 cm nga 165.

Kandidatët me arsim parauniversitar do të rekrutohen kryesisht për ndjekjen e studimeve në Akademitë Ushtarake të vendeve të NATO. Por për këtë ata nuk duhet të jenë apo të kenë qenë përdorues të lëndëve narkotike ndërsa në kartelën e tyre shëndetësore nuk duhet të rezultojnë bartës të virusit HIV apo sëmundjeve të tjera.

Ata që synojnë të ushtrojnë profesionin e oficerit jashtë vendit, duhet që të kenë një mesatare notash mbi tetë. Ndërsa ata që synojnë veçanërisht Shtetet e Bashkuara të Amerikës, duhet të zotërojnë gjuhën angleze.

Sa i përket kandidatëve që kanë diplomë universitare, përpos rregullave të përbashkëta që kanë me ata me arsim të mesme, duhet që në çastin e aplikimit të mos jenë më shumë se 25 vjeç e 6 muaj.

Përjashtim bëjnë kandidatët për oficerë, të cilët do të jenë personel mjekësor i Forcave të Armatosura, të cilët në momentin e aplikimit duhet të mos jenë më shumë se 30 vjeç e 6 muaj.

Qendra e Personel Rekrutimeve ka vendosur si kusht edhe qe kandidatët të mos jenë larguar nga puna në administratën qendrore ose lokale për shkelje të legjislacionit në fuqi.

Për t’u bërë pjesë e konkurrimit, kandidatët duhet të njoftojnë Qendrën e Personel Rekrutimit, përmes faqes së internetit të Ministrisë së Mbrojtjes dhe duhet të plotësojnë dosjen me 15 dokumente që detajohen online.

Para se të marrin gradën e oficerit apo nënoficerit kandidatët do të zhvillojnë disa konkurse, që nisin me testimin fizik atë intelektual të gjuhës angleze, testimin psikologjik dhe ekzaminimin mjekësor.

Zbardhet detaj i panjohur, ja kush e lidhi Shukri Xhelilin me Anisën
​Kush e ka njohur me Anisën, ish-kryebashkiakun? Sipas rrëfimit të së ëmës së Anisës, ka qenë gruaja e tij, Tefta Xhelili.

“Për herë të parë jam njohur me gruan e kryetarit, i kam kërkuar unë punë dhe më tha ‘do ta bisedoj me kryetarin’. Ajo tha do t’i them burrit. Vajza i shkoi të zyra dhe kryetari i kishte premtuar që po, i kishte thënë ‘që qenke goc e bukur, goc e zgjuar, do të të fus në punë’”,- ka rrëfyer e ëma e Anisës.

Asnjëherë nuk e kam menduar të divorcohem nga bashkëshorti. Ai është një njeri i mrekullueshëm, punëtor dhe korrekt.
Natën e publikimit të videos Shukes iu drejtova me fjalët: Ngrije kokën lart. Do të më kesh në krahë deri në vdekje.

Pas kësaj që ndodhi, familja Xhelili do të jetë më e bashkuar, më e fortë dhe më solide. Jam e befasuar kur shoh disa media, kolegë dhe vartës të Shukriut që çfarë nuk thonë e sajojnë, ndërkohë që kur ai ishte në detyrë, i serviloseshin dhe i rrinin nga pas ngado.

Shukriu gjatë gjithë kohës më thoshte se e di që të kam vënë në siklet. Unë do ta mbështes tim shoq. Edhe fëmijët nuk janë ndjerë mirë, por të gjithë së bashku po i kapërcejmë këto momente të vështira”,- ka thënë gruaja e Shukriut, Tefta Xhelili.
Foto/ Ankoheni se femija juaj është trazovaç? Shikoni këta fëmijë pastaj flinsi
Fëmijët gjithçka e bëjnë me sinqeritet dhe me gjithë zemër. Kjo është mënyra e tyre për të përjetuar botën, edhe pse shpesh rrezikojnë pa e ditur veten e tyre.

Në këtë fotogaleri ju sjellim fotot e fëmijëve të vegjël që kanë bërë rëmuja të mëdha.

Shikoni këto fotografi dhe krahasojini ato me rëmujat e fëmijëve tuaj./Gazeta Express/

Foto/ Këto janë ndërtesat të inspiruara nga natyra
Edhe nëse jeni admirues të fasadave dhe ndërtesave moderne, asnjëherë nuk mund ta dini inspirimin dhe vizionin krijues të një ndërtese nga arkitetktët e talentuar.

Shikoni këto fotografi të ndërtesave të inspiruara nga natyra./Gazeta Express/

Video/ Noizy vjen me një hit të ri, që po çmend rrjetin

Reperi i famshëm shqiptar Noizy, duket se ka qëlluar në shenjë me këngën e tij të re, të cilën e ka publikuar në orët e vonë të mbrëmjes së të dielës.

Bëhet fjalë për një këngë të shumritur nga fansat. Ajo mban titullin “The baddest” dhe është shoqëruar edhe me një videoklip interesant.

Ky videoklipi përmban skena të ndryshme, duke filluar nga plazhi dhe aeroplani privat, ndërkohë që nuk mungon një bukuroshe protagoniste.

Publikimi i këngës së re nga Noizy është pritur shumë mirë nga fansat e tij, duke u dëgjuar më shumë se sa 300 mijë herë për më pak se 12 orë nga momenti i publikimit, duke u shndërruar kështu menjëherë në një superhit.

Video/ Ups... Xhesika nxjerr gjoksin...

Edhe pse është larg Shqipërisë këngëtarja Xhesika Ndoj vijon të postojë foto dhe video provokuese.

Këtë herë ajo ka publikuar një tjetër video provokuese ku duket se “pa dashje” ka ekspozuar gjoksin e saj ku ndër të tjera nuk ka veshur reçipeta.

Të shohim nëse kur të kthehet Ndoj do të jetë po kaq shpërthyese.

Foto/ Jessica Simpson ekspozon asetet e saj superseksi

Jessica Simpson kishte zgjedhur një fustan me një dekolte shumë të hapur për një darkë romantike me bashkëshortin e saj Eric Johnson.

Këngëtarja 35-vjeçare tërhoqi vëmendjen e të gjithëve në Beverly Hills ditën e shtunë, duke vënë theksin te asetet e saj të bollshme.

Jessica Simpson ka dy fëmijë me Eric dhe në një intervistë të fundit ka thënë se çiftet e martuara bëjnë një gabim të madh: harrojnë të puthin njëri-tjetrin.

“Daily Mail”: Shqiptarëve u duhen 3 rroga mujore për të shkuar në europian
Tifozët kuqezinj që duan të mbështesin Kombëtaren e futbollit në finalet e Europianit që nis më 10 qershor në Francë, pritet të kenë shpenzimet më të larta se shumë shtete të tjera Evropiane.

Sipas një studimi të publikuar nga prestigjiozja britanike “Daily Mail”, tifozët e Shqipërisë që duan të shohin edhe një ndeshje të vetme të Kombëtares, do dekurajohen pasi shuma që do shpenzojnë është sa 329% e pagës së tyre mujore.

Studimi ka marrë si pagë mesatare mujore shumën 220,97 pound (ose 38815 mijë lekë, referuar kursit të Bankës së Shqipërisë).

“Kosto e udhëtimit për të shikuar ndeshjen, përfshirë ushqimin dhe pijet është 4,898 pound, (ose 860 382 mijë lekë të reja)”.

Nëse kjo shifër krahasohet me britaniket, ajo është shumë herë më e lartë, pasi tifozët anglezë përllogariten të shpenzojnë për të parë skuadrën e tyre rreth 563 pound.

Tifozët që pritet të kenë shpenzimet më të larta në “Francë 2016” janë ata të Ukrainës me 8020 paund.

Presidenti i Flamurtarit: Nuk do ta tolerojmë Skënderbeun në ndeshjen e fundit
Presidenti i “Flamurtarit” Sinan Idriozi, ka bërë një ndërhyrje në emisionin “Proces Sportiv” në “Top Channel” ndërsa po flitej për javën e fundit të kampionatit.

Dihet që këtë javë skuadra vlonjate do të ketë përballë kampionët e “Skënderbeut” nga dhe varet titulli kampion.

Idrizi tha se: “do të jetë një ndeshje si gjithë të tjerat. Do të jemi korrekt deri në fund të kampionatit tonë. Është një presion pozitiv që janë drejtuar të gjithë vështrimet nga ne”- tha Idrizi.

Përsa u përket komenteve se Vlora do të tolerojë në këtë ndeshje ai tha se këto janë vetëm thashetheme.

“Ziejnë kafenetë e Tiranës, dhe unë nuk komentoj llafet e kafeneve”,- tha ai.

Idrizi ka kujtuar edhe një titull të marrë padrejtësisht sipas tij nga Skënderbeu pak vite më parë. Tifozët e kanë kujtuar këtë para pak ditësh, por Idrizi tha se ai nuk është hakmarrës.

“Nuk paragjykoj si do të jetë ndeshja. Ne nuk do të jemi hakmarrës sepse na është marrë nga Korça një kampionat”.

Një mesazh për presidentin Demi të Partizanit.

“Do të jap një mesazh për Demin. Jemi miq në jetë, por në fushë jemi ndryshe”,- tha ai.
Foto/ Bobo Vieri puthje “hot” në publik me të dashurën e re
Ish-futbollisti i skuadrës së Interit, Christian Vieri, njihet për lidhje e tij me femra të ndryshme.

Së fundmi ishte i pranishëm në ndeshjen e Interit ndaj Sassuolos, së bashku me të dashurën e tij Jazzma Kendrick.

Ata janë parë mjaft të lumtur pranë njeri-tjetrit.

Çifti u kapën nga fotografët duke u puthur dhe ledhatuar gjatë ndeshjes.

Foto+16/ “Ylli” i Danimarkës në shtratin e Ronaldos...?
Josephine Skriver është modelja e momentit. 23-vjeçarja nga Danimarka ka magjepsur disa futbollistë, të cilët nuk kanë ngurruar që të pëlqejnë fotografi të e saj në “Instagram”.

Më i fundit në këtë listë të gjatë lojtarësh është Cristiano Ronaldo.

“Asi” portugez i Realit në ditët e fundit thuhet se ka arritur që të kontaktojë personalisht me modelen.

Sigurisht, që mediat kanë nisur të supozojnë për një lidhje të tyre./gazetaolle/

“BMW” planifikon të lançojë këtë veturë

“BMW” po dëshiron që të lansojë një automjet plotësisht vetë-vozitës në rrugët e Gjermanisë brenda pesë viteve, ka paralajmëruar CEO i kompanisë Harald Krueger.

Krueger tregoi për ambiciet e “BMW” që të lansojë automjetin e parë autonom gjatë një takimi në Mynih.

“BMW” aktualisht është duke u fokusuar në modelet “i” të veturave elektrike dhe Krueger thotë se lëvizja drejt një veture autonome është strategjia e radhës e “BMW”.

“Më 2018, ne do të lansojmë një BMW i8 Roadster. Kjo veturë do të përcillet nga një ‘BMW’ i Next më 2021, një shpikje e re me vozitje autonome, lidhje digjitale, inteligjencë artificiale dhe totalisht një interier të ri”,- tha ai gjatë takimit.
Foto/ “Bisha” çeke 6x6 e cila i “gris brekët dhe Hummer-it
“Bureko 6x6 Pickup” është prodhim i kompanisë çeke “Burekone S.R.O”, ndërsa është i bazuar në modelin “Land Rover Discovery”.

Dizajni i këtij Pickupi është i bazuar në “Hummerin” amerikan. Ky model ka motorin dizel V6 me kapacitet prej 256 kuaj fuqi, në kombinim me marshin automatik me tetë shpejtësi.

Ndërkaq shpejtësinë maksimale ky model i gjatë rreth 5 metra e arrin deri në 155 kilometra në orë.

Kjo makinë, që shumë nuk ngurrojnë ta quajnë “bisha”, kushton rreth 141 mijë euro.

17/05/2016/............................

Foto/ Klaudia Pepa imazh i “Seat” në Itali
Balerina shqiptare tashmë me famë ndërkombëtare, Klaudia Pepa, duket se nuk ka të ndalur në karrierën e saj në vendin fqinj.

Pas pjesëmarrjes në shown televiziv të mirënjohur italian, Amici, e më pas në klipin e fundit të Steve Wonder, ajo tashmë është në imazhin e një firme të njohur makinash në Itali.

Bëhet fjalë pikërisht për firmën “Seat” dhe njëkohësisht shohim në Instagramin e bukuroshes foto nga ky projekt i ri.

Foto+18/ Xhesika Ndoj e tepron përsëri…
Xhesika duket se nuk di të ndalet më lakuriqësinë e saj. Këtë herë ajo ka sjellë në Instagram një foto ku shfaqet topless nga seti i saj i fundit.

Sigurisht ndjekësit e saj nuk kanë qëndruar indiferent ndaj këtij postimi.

Brenda shtëpisë luksoze të Noizyt, ja shuma marramendëse që i kushtoi
Të gjithë jemi kurioze të dimë se sa ka kushtuar jeta luksoze e Noizyt dhe si është të jesh brenda shtëpisë së tij. Ky është apartamenti me sipërfaqe 220 metra katrorë që zotëron reperi 27-vjeçar.

Një apartament që ndodhet në qytetin bregdetar të Durrësit dhe ka kushtuar pothuajse 300 mijë euro, raporton “Story.al”.

Brenda apartamentit bien në sy detajet moderne dhe abazhurët swarovski.

Vetë Noizy e quan apartamentin "vilë brenda pallatit", ndërsa deklaron se për të ndërtuar një shtëpi të tillë nuk i është dashur më shumë se një vit.

Rigels Rajku pohon gjithashtu se, muzika që bën e ka shndërruar në milioner të vërtetë në një kohë mjaft të shkurtër.

Nën pronësinë e tij rezulton edhe studioja muzikore që ka kushtuar 200 mijë euro dhe 5 makinat e tij, ndër të cilat më e lira ka kushtuar 50 mijë euro ndërsa më e shtrenjta 127 mijë euro.

Ristani: Pajisja e përgjimit, krim shtetëror. Tahiri: Pretekst kundër reformës
Partia Demokratike është e sigurtë që përgjimi ka ndodhur dhe atë që e quan “krim shtetëror” ja faturon drejtpërdrejtë kryeministrit Edi Rama.

“Ky krim shtetëror e kapërcen masën e mundësive të Tahirit dhe është përgjegjësi e drejtpërdrejtë e Edi Ramës. Ai është duke i vënë vulën mafioze qeverisëse mbi ligjin dhe Kushtetutën”,- deklaroi për mediat, sekretari i Përgjithshëm i demokratëve, Arben Ristani.

Ajo që shton edhe më shumë bindjen e opozitës është heshtja e kryeministrit.

“Sa më shumë hesht, aq më shumë rëndon pozicionin e tij në shkeljen e ligjit, Kushtetutës dhe çdo norme demokratike në këtë vend”,- tha Ristani.

Duke iu referuar deklaratës në Top Story të ministrit të Brendshëm, Arben Ristani tha se ai shmangu përgjigjen kur u pyet se kur ka hyrë pajisja në Shqipëri dhe a është e regjistruar.

“Tre herë u pyet në Top Story, nëse është regjistruar pajisja dhe kur ka hyrë në Shqipëri dhe në të tre rastet, ai u shmang, iu fsheh këtij fakti, duke sulmuar opozitën”,- tha sekretari i Përgjithshëm i PD.

Ndërkohë, ministri i Brendshëm ka deklaruar në rrjetet sociale se opozita po e përdor si pretekst çështjen e përgjimit për t'iu shmangur reformës në drejtësi.

"Me pretekstin e "përgjimit", nuk anashkalojnë dot as reformën në drejtësi, as luftën kundër pandëshkueshmërisë",- shkruan Tahiri./TCh/

Lajme të këqija për ju që shihni porno nëpërmjet celularit

Juve që preferoni të shihni filma pornografikë pas këtij njoftimi duhet të bëheni më të kujdesshëm. Pasi vetëm me një hapje të një videoje pornografike në celularin tuaj infektohen qindra aplikacione që vështirë se mund të fshihen.

Këto aplikacione sapo shkarkohen automatikisht në celularin tuaj, fillojnë vjedhjen e të dhënave tuaja.

Celularët që janë të infektuar nga këto aplikacione bllokohen, ndërkohë këto aplikacione, e kanë më të lehtë në bllokimin e të dhënave.

“Ne kemi rreth 100 aplikacione që janë të gatshëm për sulme të dhënash dhe parash”,- është shprehur Dubrovsky, studiues i sigurimit në “Dell”.

Për momentin këto aplikacione nuk mund të vjedhin asgjë nga telefoni, pasi janë në fillimet e tyre, por në të ardhmen këto aplikacione paraqesin vërtet rrezik.

Video/ Italianët "çmenden" pas të dashurës së futbollistit shqiptar

Futbollistët njihen gjithmonë për të dashurat e tyre seksi. Gjithmonë në krahun e një futbollisti qëndron një vajzë e bukur, që me shumë gjasa mund të jetë modele. Mbrojtësi i Kombëtares Shqiptare, Berat Gjimshiti, prej kohësh është në lidhje me një modele serbe, të quajtur Alisa Menkoviç.

Kjo e fundit ka postuar një video nga stadiumi i Atalantas ku shihet së bashku me një mike të saj.

Disa media italiane i kanë kushtuar rëndësi asaj duke u shprehur: "Bukuroshja serbe e shqiptarit në stadiumet tona".

Alisa Menkoviç vjen nga Beogradi dhe është bërë e njohur për ne prej lidhjes me futbollistin shqiptar të Atalantës.
Europol nxjerr bllof Ramën dhe Tahirin për Kelmend Balilin
Kryeministri Edi Rama dhe Ministir i Brendshëm Saimir Tahiri kishin përgënjeshtruar lajmet se policia shqiptare ishte lënë jashtë operacionit antidrogë kundër rrjetit që dyshohet se drejtohej nga Klemend Balili, ish-drejtori i Transporteve të Sarandës.

Më 12 maj, dy ditë pas lajmit të goditjes së grupit të narkotrafikantëve, duke iu përgjigjur akuzave të opozitës se Klemend Balili ishte i lidhur me Saimir Tahirin dhe drejtues të lartë të policisë, kryeministri Edi Rama do të deklaronte në parlament se goditja e grupit të narkotrafikut ishte një punë e mirë e policisë së shtetit dhe se opozita po e përdorte politikisht.