Vi mavzu: suitsidal urinishlar sodir etgan bolaga yordam berish

4-reja bayoni

Suitsidal mijozlar bilan ishlashda shuningdek guruhiy inqirozli terapiyani qo’llash ham mumkin. Guruhiy inqirozli terapiyani o’tkazishga ko’rsatma sifatida quyidagilarni ajratib ko’rsatish mumkin (Starshenbaum, Ambrumova, 1987):

• 
  turli xil suitsidal tendentsiyalar yoki inqirozli vaziyat yomonlashganda suitsidni yangilash ehtimolining yuqoriligi;
  
• 
  psixologik qo’llab-quvvatlashga va amaliy yordamga ehtiyojning ko’zga ko’rinib turishi.
  

Bir ishtirokchining suitsidal xulqi qolgan ishtirokchilarnikini ham qo’zg’atishi mumkin. Shuning uchun guruhiy terapiyada qatnashishga oxirgi qaror birinchi mashg’ulotdan keyin qo’yiladi. Ishtirokchi xulqi kuzatib boriladi shunga qarab guruhdagi keyingi ishtiroki belgilanadi. Buning uchun birinchi mashg’ulot sinovligi va mijozning xulqiga qarab keyingi mashg’ulotda ishtirok etish yoki etmasligi, keyingi davolash metodi masalasi shu mashg’ulotdan so’ng aniqlanishi avvalgi suhbatda mijoz bilan kelishib olinadi va tushuntiriladi. Inqirozli guruh hajmi o’nta ishtirokchi bilan chegaralanadi. Guruh tarkibiga ikkita suitsidal xulqi yuqori mijoz kiritiladi. Agar ular soni oshib ketsa ko’p vaqt ularni tinglashga ketib qoladi va qolgan mijozlar diqqat markazidan chetga chiqib qoladilar. Guruh tarkibi jins va yosh jihatidan har xil bo’ladi, bu ularda mavjud yoshga va jinsga bog’liq o’z muammolarini kengroq ko’rishga imkon beradi.

Guruhiy mashg’ulotlar haftasiga 5 martagacha 1,5-2 soatgacha olib boriladi. Bunda shuni inobatga olish kerakki inqirozni echimi odatda 4-6 haftagacha, guruhiy inqirozli terapiya kursi o’rtacha bir oyga teng bo’ladi.

Guruh ishtirokchilarining mashg’ulotdan tashqari muloqotlari rag’batlantiriladi.

Guruh ochiq hisoblanadi, ya’ni terapiya muddati tugagani munosabati bilan har hafta undan bir-ikkita ishtirokchilar chiqib, o’rniga yangilari keladi. Bu bilan yangi kelgan chuqur inqirozdagi mijozlarga guruhning yuqoriroq bosqichida turgan va tajriba orttirgan ishtirokchilari o’zlarining erishgan muvaffaqiyatlari bilan o’rnak bo’ladilar.

Guruhiy inqirozli terapiya misoli sifatida biz sizlarga reorientatsion treningni taklif etamiz, uning vazifalariga quyidagilar kiradi: mijoz uchun suitsidning psixologik mazmunini, shaxsning hayot uslubini va reorintatsiyasini o’rganish kabilar.

1.