Vi mavzu: suitsidal urinishlar sodir etgan bolaga yordam berish

Ijtimoiy-demografik omillar:

• Yosh

Suitsidal akt deyarli barcha yosh davrlarida uchraydi. 5 yoshgacha bolalar orasida Suitsidal xulq kamdan-kam uchrasada, 3 - 6 yoshli bolalar orasida ham suitsidga urinishlar bo’lganli haqida ma’lumotlar ham bor (klinik psixoterapiya, 1994). Suitsid eng ko’p 15 yoshdan 24 yoshgacha bo’lgan yoshlar orasida uchraydi. Bu shaxs moslashuvchanligiga aynan shu yoshda ularga qo’yiladigan talablarning yuqoriligi bilan bog’liq. Suitsidal faollikni ikkinchi avj nuqtasi 40 - 60 yosh oralig’iga to’g’ri keladi. Psixologik muammolardan tashqari bu yosh davrida somatik kasallikni yomonlashuvi, gormonal o’zgarishlar, qadriyatlar ierarxiyasining o’zgarishi bilan xarakterlanadi. Bundan tashqari aynan shu davrda katta bo’lgan farzandlar ota uyini tashlab ketadi. Ota-onalar kasallanadi yoki vafot etadilar, shuningdek bu yosh davri vakillari kasbiy muammolar bilan to’qnash keladilar.

Suitsidal faollikning uchinchi avj nuqtasi qarilik davriga to’g’ri keladi. Boshqa yosh davrlariga nisbatan keksalikda suitsidal faollik 4 barobarga ko’p.

• Jins

Ayollar orasida suitsidga urinishlar ko’p uchraydi. Bunda ular erkaklarga qaraganda qiynoqsiz, og’riqsiz yo’llarini tanlaydilar; biroq erkaklarda suitsid ko’pincha yakunlangan xarakterda bo’ladi.