Veterinariya virusologiyasi

Adabiyotlar:
1. Bozorov X.K, Abdulakimova A.B. Veterinariya virusologiyasidan o’quv qo’llanma.Samarqand 2016 y.
2. Fenner's. Veterinary Virology (United States of America 2016 year).
3. M.Jackson. Veterinary clinical pathology. America 2010 year.
4. Троценко Н.И., Белоусова Р.В., Преображенская Е.А. Практикум по ветеринарной вирусологии. Учебная пособия. М., Агропромиздат 1998 год.
5. Троценко Н.И., Белоусова Р.В., Преображенская Е.А. Практикум по ветеринарной вирусологии. Учебная пособия. М., Колос, 2000 год.
MAVZU: Neytrallash reaksiyasi va uning virusologiyada qo‘llanilishi


Neytrallash reaksiasining (NR) mohiyati shundan iboratki, bir xil hajmdagi zardob bilan virus suspenziyasi probirkada qo‘shilib, ma’lum vaqtdan so‘ng aralashmada aktiv virus qolgan yoki qolmaganligi aniqlanadi.
Bunu aniqlash uchun aralashma sezuvchan tirik sistemalarga yuqtirilib (test-ob’ektlarda biologik tajriba) amalga oshiriladi.
Virus test-ob’ektlarga ta’sir qilmasa (manfiy biologik tajriba), musbat nazoratda virusning biologik aktivligi zardobdagi antitelo tomonidan neytrallashidan dalolat beradi yoki antigen bilan zardobdagi antitelolar gomologikligi isbotlanadi.
Olingan virusga nisbatan zardobning tarkibida antitelo qancha ko‘p bo‘lsa, u shuncha yuqori suyultirilgan darajada ham virusning aniq (standart) miqdorini (odatda 100 NM50) neytrallashga qodir. Agar musbat biologik tajriba yuz bersa u holda zardobning tarkibida shu virusga qarshi antitelolar yo‘qligidan dalolat beradi.
Test-ob’ektlarning turiga qarab, NR laboratoriya hayvonlarida, tovuq homilalarida yoki o‘stirilgan hujayralarda tajriba o‘tkazish mumkin.
Odatda antitelo o‘zining gomologik antigeni bilan qat’iy ma’lum miqdor nisbatida bir-biri bilan o‘zaro ta’sir qiladi, zardobdagi antiteloning miqdori esa hamma vaqt aniq emas, shuning uchun reaksiyani qo‘yishda bitta emas balki qator probirkalar olinib undagi virusga, zardobning har-xil nisbatda suyultirilgan darajalari quyiladi. Buning uchun, probirkalardagi virusning bir-xil miqdoriga zardobning har-xil suyultirilgani yoki zardobning bir xil miqdoriga virusning har-xil suyultirilgan darajalari quyiladi: NR bu ikki tadbir texnik jihatidan bir xil bajarilmaydi.