Veterinariya va chorvachilikni rivojlantirish davlat qumitasi samarqand veterinariya meditsinasi instituti

Mashinaning texnologik ish jarayoni quyidagicha kechadi. 
Agregat ilgari harakatlanganda o’rilayotgan o’t qirqish apparatlarining orasiga 
tushadi, segment pichoklar ularni teskari qirquvchi vkladishlarga siqadi va qirqadi. 
Qirqilgan o’tlar barmoq bruslari orqali malum qalinlikda yerga yotqiziladi. Shu bilan 
bir vaqtda ichki boshmoqqa mahkamlangan chiviq qirqilgan o’tlarni birmuncha 
o’ngga, yani pichoq kallagidan nariga suradi, dala taxtasi chivig’i bilan esa qirqilgan 
o’t massasini chapga suradi, bu usul kosilkaning keyingi o’tishida ichki erkin 
boshmoq o’tishi uchun yo’l tayyorlaydi. 
SK-2,6A silos ekinlari o’rish kombayni. 
SK-2,6A silos ekinlari o’rish kombayni makkajo’xori, kungaboqar va 
yoppasiga qatorlab yoki kvadrat uyalab ekilgan boshqa ekinlarni silos tayyorlash 
uchun o’rishga mo’ljallangan. Bu kombayn umumiy holda to’rt asosiy qism: jatka, 
maydalash apparati, bo’shatish transportyorlari va yurish qismidan iborat. Jatkaning 
motovilosi poyalarni qamrab, qirqish apparatiga uzatadi.Qirqish apparati esa 
poyalarni qirqib, platformaga yotqizadi va zanjir - plankali transportyor poyalarni 
taminlash mexanizmiga uzatadi. Taminlash mexanizmi poyalarni teskari qirqish 
plankasiga o’tkazadi, pichoqli baraban poyalarni maydalaydi.Maydalangan poyalar 
gorizontal transportyorga, undan esa qiya transportyorga tushadi va nihoyat, qiya 
transportyor maydalangan massani kombayn bilan yonma-yon harakatlanuvchi 
avtomashina yoki aravaga ortadi. 
KOP-1,4V «Xersones» makkajo’xorini donga o’rish kombayni 
Pishib yetilgan makkajo’xori don uchun o’riladi, uning poyasining balandligi 
1,5...4 m, so’talarining soni 1...3 tagacha bo’lishi mumkin. Makkajo’xori don uchun 
o’rilganda so’talari olinib, qobig’idan ajratiladi. Xo’jaliklarda KOP-1,4V «Xersones» 
makkajo’xori o’rish kombayni ko’p ishlatiladi.bo’lib 
Kombayn hosildorligi 150 s/ga gacha bo’lgan makkajo’xorini yig’ib-terib 
olishga mo’ljallangan bo’lib, u poyani o’radi, maydalab kesib, so’talarni poyadan va 
qobig’idan ajratib, so’ng so’talarni hamda maydalangan poyani alohida-alohida 
transport vositasiga yuklaydi.Kombayn MTZ-80, DT-75 traktorlariga tirkab 
ishlatiladi.Kombaynning barcha ish organlari traktorning quvvat olish validan 
kardanli uzatma yordamida harakatga keltiriladi. Mashina -traktor agregatiga 
traktorchi-kombaynchi xizmat ko’rsatadi. 
«Xersones» KOP-1,4V kombaynining ramasi pnevmatik shinali ikkita 
gildirakka tayanadi. Unga qirqish apparati, ko’tarish va uzatish zanjirlaridan tashkil 
topgan poya uzatish qurilmasi, so’ta uzatuvchi apparat, trubali maydalash apparati, 
siqish qurilmali tozalash apparati, ventilyator, so’talar trasportyorlari, so’talar va don 
shnegi, so’ta po’stlog’i transportyori, ish organlarini yuritish va boshqarish 
mexanizmlari hamda xabar (signal) berish sistemasi montaj qilingan. Kombaynga 
ketingi tomondan tirkagich yordamida so’talarni yig’ish uchun aravacha tirkaladi. 

---

29