Veterinariya va chorvachilikni rivojlantirish davlat qumitasi samarqand veterinariya meditsinasi instituti

 
 
Aerozol purkagichlar 
Inspektisidlar yoki boshqa kimyoviy moddalarning havoda mayda zarrachalarga 
aylantirilishi ( ulardan suniy tuman hosil qilinishi ) aerozol deyiladi.Aerozol bilan 
dorilashda zarrachalarning diametri purkab dorilashda hosil bo’lgan zarrachalarning 
diametridan bir necha o’n marta kichik bo’ladi.Bu usul bilan dorilashda purkab 
dorilashga qaraganda ish unumlirok bo’ladi, dori tejab sarflanadi, uning daraxtlarga, 
o’simliklarning bargiga bir tekis sepilishi taminlanadi. 
Aerozol moslamasi qishloq xo’jalik ekinlari zararkunandalari va kasalliklarini ichki 
organlarga tasir etadigan zaharli dorilar sepib yo’kotish va g’o’za bargini suniy to’ktirish 
uchun mo’ljallangan. 
Shuningdek O’zbekiston xo’jaliklarida keng ko’lamda AG-UD-2 aerozol 
generatorlari ham ishlatiladi.Bu generator quvvati 11 kVt bo’lgan , benzin bilan 
ishlaydigan dvigatel bilan jihozlangan. AG-UD-2 generatori quyidagicha ishlaydi. 
Dvigatel yordamida aylantiriladigan havo yo’naltirgich 18 atmosferadan havoni so’rib 
oladi va 0,2 Mpa bosim ostida benzinli o’t oldirgichga uzatadi. Havoning bir qismi yonish 
kamerasiga, o’t oldirgich konusga o’tib, purkagichdan oqayotgan benzinni mayda tomchi 
tarzida purkaydi. 
Purkalgan benzin shamchaning elektrodlari orasidagi uchqundan alangalanib, yonish 
kamerasida yonadi. Bunda xavoning harorati 1000° ga yetadi. Bu soplo ichida ish 
suyuqligi purkaladi, issiq gaz bilan aralashadi, qisman bug’lanadi va soplo orqali 
atmosferaga chiqadi. Soplodan chiqayotgan vaqtda bug’ gaz aralashmasi havo bilan 
reaksiyaga kirishib, oq tumanga aylanadi (aerozol hosil bo’ladi).Bakdan keluvchi dori 
miqdori jumrak va masofadan turib boshqarish tortqisi bilan rostlanadi. 
Dvigatelni yurgizib yuborishdan oldin o’t oldirish va pestisid jo’mragi yopiladi. 
So’ngra dvigatel valining aylanishi kamaytirilib sekin asta benzinli o’t oldirish jo’mragi 
ochiladi. Qarash oynasidan benzinning yonishi kuzatiladi, bunda soplo uchida oq tuman 
paydo bo’lishi kerak. Tuman paydo bo’lgach, dori jo’mragi ochiladi. 

---

25