«veterinariya» ixtisosligi bo’yicha oliy o’quv yurtlari uchun qo’llanma

 
Oldini olish
. Asosiy e’tibor ona parrandalar guruhi va yosh 
jo’jalarni oziqlantirish texnologiyasiga qaratilishi lozim. Yosh jo’jalar 
bir kunda 5-6 martagacha maxsus tayyorlangan omixta yem bilan 
oziqlantiriladi. Rasionga yengil hazmlanuvchi oziqalar (psheno, 
oqlangan arpa, chakki, qatiq, asidofilli sut zardobi) kiritiladi. Yosh 
jo’jalar rasionida bo’r, tuxum po’chog’i, rakushka kabi aralashmalarning 
bo’lishiga yo’l qo’yilmasligi lozim. Davolash va oldini olish 
maqsadlarida har bir bosh jo’jaga 1-2 ml dan 3-5 kun davomida 
propionli-asidofilli bulion kulturasi va asidofilli bulion kulturasidan 
(PABK, ABK) yuboriladi. 
Gastroenterit 
(Hastroenteritis) - oshqozon va ichak shilliq 
pardasining yallig’lanishi bilan kechadigan kasallik. Ko’pincha kataral 
gastroenterit bilan katta yoshdagi jo’jalar va ona tovuqlar kasallanadi.
 

---

199 
Sabablari
. Buzilgan, achigan, mog’orlangan oziqalar va turib 
qolgan suv berilishi, oziqaga mineral o’g’itlarning tushishi kasallikning 
asosiy sabablari hisoblanadi. Ikqilamsi gastroenteritlar jig’ildon 
yallig’lanishi, ko’tikulit yoki ayrim yuqumli kasalliklar (o’lat, holera, 
pulloroz, eymerioz va boshqalar) ning asorati sifatida kelib chiqadi.
 
Belgilari
. Kasallik o’tkir va surunkali kechadi. Holsizlanish, 
ishtahaning pasayishi, toj va sirg’alarning ko’karishi, muskulli oshqozon 
atoniyasi va uning pastga osilib turishi, jig’ildonning kataral 
yallig’lanishi, ich ketish, tezakning qo’lansa hidli va sarg’ich-ko’kish 
rangda bo’lishi, surunkali kechganda esa, anemiya, ichaklar atoniyasi, 
ichaklar metiorizmi va kuchli oriqlash kuzatiladi.
Davolash
. Har bir bosh parrandaga 0,05-0,1 g miqdorida 
sulfanilamid preparatlari, 0,01-0,05 g miqdorida furazolidon berishga 
asoslangan 3-5 kunlik guruhli davolash o’tkaziladi.