Vertikal konstruktiv bajarilishlardagi tindirgichlar

Vertikal konstruktiv bajarilishlardagi tindirgichlar.
Reja

1. Ularning tuzilishi, funksiyalari va ishlash prinsiplari.

2. Neftni markazdan qochma kuchlar ta’sirida tindirgichlar.
3. Gidrotsiklon.
4. Markazdan qochma fazalar ajratgich. Kо‘p funsiyali tindirgich apparatlar.

Turli jinsli sistemalarni ajratishda markazdan qochma kuch maydonidan foydalanish jarayonni anchagina jadallashtirishga olib keladi. Markazdan qochma kuch maydonini hosil qilish uchun ikki xil usuldan foydalaniladi: 1) qo‘zg‘almas uskunaning ichida gaz yoki suyuqlik oqimining aylanma harakati tashkil etiladi (siklonlar, gidrosiklonlar); 2) aylanib turgan uskunaga suyuqlik yoki gaz oqimi yuborildi, bunda oqim uskuna bilan birgalikda aylana boshlaydi (cho‘ktiruvchi sentrifugalar, separatorlar).

Ajratish faktori. Markazdan qochma kuch maydonida cho‘ktirishning samaradorligini bilish uchun uni og‘irlik kuchi ta’sirida cho‘ktirish bilan solishtirilib ko‘riladi.
Aralashmaning aylanma harakati ta’sirida uning tarkibidagi zarrachaga markazdan qochma kuch ta’sir qiladi. Bu kuch zarrachani markazdan uskunaning chekasi tomon cho‘kish tezligiga teng bo‘lgan tezlik bilan uloqtirib tashlaydi.
Bunda hosil bo‘lgan markazdan qochma kuchning qiymati S (N hisobida) quyidagicha aniqlanadi:
S = = mw²R (1)
bu yerda, m – zarrachaning massasi, kg; W – zarracha aylanishining burchak tezligi, s^-1; n – zarracha harakatining aylanma tezligi, ayl/s; R – zarracha aylanishining radiusi, m.
Markazdan qochma uskunalardagi cho‘kish samaradorligini aniqlash uchun markazdan qochma kuch qiymatini zarrachaga ta’sir qilayotgan og‘irlik kuchi bilan solishtiriladi.
Og‘irlik kuchi P (N hisobida):
P = mg , (2)
g – erkin tushish tezlanishi, g = 9,81 m/s².
(1) va (2) tenglamalarni yechib, quyidagi ifodaga erishamiz:
= = = Ka , (3)
bu yerda, Ka = – ajratish omili.

Ajratish omili markazdan qochma kuch ta’siri og‘irlik kuchi ta’siridan necha marotaba kuchli ekanligini bildiradi. Ajratish omilining qiymati qancha katta bo‘lsa, markazdan qochma uskunalarning ajratish qobiliyati shuncha yuqori bo‘ladi.

Ajratish omili Ka ning qiymati siklonlar uchun bir necha yuzni tashkil etsa, sentrifugalar uchun esa – 3000 atrofida. Demak, siklon va sentrifugalarda cho‘kish jarayonining harakatlantiruvchi kuchi og‘irlik kuchi ta’sirida ishlaydigan cho‘ktirish uskunalariga nisbatan 2–3 daraja yuqori ekan. Ushbu raqamlardan ma’lumki, siklon va sentrifugalar oddiy cho‘ktirish uskunalariga nisbatan yuqori unumdorlikka ega. Ushbu uskunalarda o‘ta mayda zarrachalarni ham ajratish imkoniyati mavjud: sentrifugalarda o‘lchami 1 mkm atrofida bo‘lgan zarrachalarni ajratish mumkin; siklonlarda esa – 10 mkm atrofida.