Векторли ва растрли компьютер графикаси

Векторли графика деб – тузилиши жиҳатидан мураккаброқ ва ҳар хил кўринишга эга бўлган геометрик объектлар тўпламига айтилади. Бундай объектларга мисол тариқасида тўғри тўртбурчаклар, айланалар, эллипслар, кўп бурчаклар, кесмалар ва чизиқларни келтириш мумкин. Векторли графиканининг характерли хусусиятларидан бири ундаги ҳар бир объект учун уларнинг ташқи кўринишларини ўзгартириш имконини бeрадиган бошқариш параметрлари мавжуд. Масалан, айлана учун бошқариш параметри сифатида унинг диаметри, ранги, тури, чизиқ қалинлиги ва ички соҳаси ранги кабиларни олиш мумкин. Нуқтали тасвирлардан фарқли равишда векторли тасвирлар ихтиёрий ички структурага эга бўлиши мумкин. Векторли тасвирларни нуқтали тасвирларга айлантириш фойдаланувчи иштирокисиз, амалий дастур томонидан амалга оширилади. Лекин нуқтали тасвирларни векторли тасвирга айлантириш фойдаланувчидан катта маҳорат талаб қилади.
Векторли графика асосида гиометрик фигураларнинг хоссалари ҳақидаги математик тасаввур ётади. Векторли графиканинг математик асослари бу нуқта, тўғри чизиқ, кесма, иккинчи ва учунчи тартибли эгри чизиқлардир. Нуқта текисликда иккита сон билан (х,у) аниқланади. Тўғри чизиқ эса иккита параметрга эга бўлган y=ax+b тенглама орқали аниқланади. Агар бу тўғри чизиқ х ўқида иккита x₁ ва x₂ координаталари билан чегараланса у кесмани аниқлайди. Иккинчи тартибли эгри чизиққа парабола, гипербола, эллипс ва айланани мисол қилиш мумкин. Бу иккинчи тартибли эгри чизиқ тенгламаси умумий ҳолда қуйидагича
x²+a₁y²+a₂xy+a₃x+a₄y+a₅=0.
Компьютерда векторли тасвирлар билан ишлаш нуқтали тасвирлар билан ишлашга қараганда анча осон. Ҳозирда векторли тасвирлар яратувчи амалий дастурлар машина графикасининг асосини ташкил қилади.
Фрактал графика - бу тасвирни чизиш ёки жиҳозлаш эмас, балки уни математик ҳисоблашларга асосланган дастурлар асосида қуришдир. Фрактал графика, одатда ўйин дастурларини яратишда кўпроқ қўлланилади. Фрактал графикада тасвирлар тенгламалар ёрдамида қурилади. Бунда тенглама коэффициентларини ўзгартириш ёрдамида ҳар хил расмларни олиш мумкин.