Vazirligi toshkent farmatsevtika

Pastdan yuqoriga ko‘tariluvchi xromatografik jarayon.
Zarur kenglik va uzunlikda qirqib olingan xromatografik qog‘ozni bir uchidan start chizio‘i belgilanib, u erga nuqta xolida (yoki chiziqli xolda) aniqlanuvchi namuna aralashmasi kapillyar naycha yordamida shimdiriladi va nuqta dog‘i quriguncha kutiladi. So‘ng qog‘oz tasmasi start chizig‘i tomoni bilan oldindan tayyorlab qo‘yilgan, organik erituvchi sistemasi qo‘yilib, uning bug‘i bilan 20-30 daqiqa to‘yintirilgan kameraga tushiriladi va maxsus moslama yordamida osib qo‘yiladi. Qog‘ozga shimdirilgan nuqta yoki chiziq erituvchilar sistemasidan tashqarida qolishi zarur. Erituvchi sistemasini saqlagan idish germetik berkitiladi va qo‘zg‘aluvchi faza zarur balandlikka ko‘tarilguncha qoldiriladi. Bu vaqt bir necha soat yoki sutkaga cho‘zilishi mumkin.

Qog‘oz tolalarining kapillyar quvvati hisobiga qo‘zg‘aluvchi erituvchi sistemasi qog‘oz tasmasi bo‘ylab sekin asta shimilib yuqoriga ko‘tariladi va u o‘zi bilan start nuqtasiga qo‘yilgan aniqlanuvchi aralashma komponentlarini ham xarakatlantiradi.

Har bir xolatda modda komponentlari aralashmasi qo‘zg‘aluvchi organik erituvchi fazasi va qog‘oz tolalaridagi sellyulozaning gidrofillik xususiyati tufayli unda saqlanuvchi qo‘zg‘alms faza (suv) orasida taqsimlanish jarayoni sodir bo‘ladi. Bu taqsimlanish moddani suv va organik brituvchi orasidagi taqsimlanishiga deyarli mos xolda amalga oshadi. Bunday taqsimlanish jarayoniga moddalarning sellyuloza tolalari bo‘ylab adsorbsiyalanish jarayoni ham o‘z ta’sirini ko‘rsatadi. Natijada aralashma komponentlaridan biri qog‘oz bo‘ylab shimilayotgan erituvchi bilan birga tezroq xarakatlansa, boshqasi sekinroq xarakatlanadi. Ayrim moddalar umuman xarakatlanmasdan startda qolishi mumkin.

Qo‘zg‘aluvchi faza ma’lum masofaga ko‘tarilgach, qog‘oz tasmasi idishdan chiqarib olinadi, quritiladi va xromatogramma natijalari aniqlanadi.