Vazirligi toshkent farmatsevtika

Rf-o‘lchamini ifodalanishi.

Rf-o‘lchamini kiritilishi dog‘ning xromatogrammani joylashishini ifodalaydi. Ko‘pincha mualliflar bu ko‘rsatkichni fizik yoki fizik-kimyoviy ko‘rsatkich deb hisoblamaydilar, uni faqat aralashmadagi boshqa moddalarga nisbatan moddaning joylashishini ifodalovchi ko‘rsatkich, deb takidlaydilar. Moddani standart modda bilan Rf-larini solishtirish orqali identifikatsiya qilish uchun ajratishning xromatografik jarayonini takrorlash muxim axamiyatga egadir.

Rf-o‘lchamini doimiyligi ko‘p omillar ta’sir qiladi. Eng avvalo erituvchilar sistemasi,kamerani to‘yintirishning shakli va darajasi, xromatografik sorbentlarning aktivligi, nisbiy namlik, erituvchi frontining masofasi, sorbentning pH yoki sistemaning pH-muhit ko‘rsatkichlari shular jumlasidandir. Rf - o‘lchamiga shuningdek sistemadagi erituvchilarning tozaligi, qatlamning qalinligi, sorbentning maydaligi, plastinka tayyorlashda suspenzion pastaning quyuq-suyuqligi, namunaning miqdori start chizig‘ining plastinka chetiga uzoq-yaqinligi, plastinkaning sistemaga qanchalik botib turishi va purkakichning yo‘naltirilishi ta’sir qiladi.
Yupqa qatlamli xromatografiya natijalarini qayd qilish va xromatogrammalarni saqlash.

Xromatografik ajratish natijalarini aniq bayon etish zarurati ko‘p bo‘ladi. Xromatogrammalarni dog‘lar rangi uchib ketishi va xromatografik qatlam mexanik mustaxkam emasligi sababli saqlash qiyin.