Vazirligi termiz davlat universiteti

AHILLIK-ULUG’ BAXT

3-sinf uchun o’qish fanidan dars ishlanmasi Darsning maqsadlari:

1. 
   ta’limiy: o’quvchilarga ahillik, inoqlik insoniylikning eng yaxshi fazilatlari ekanligi, bular orqali baxtu-saodatga erishish mumkinligi haqida bilim berish;
   
2. 
   tarbiyaviy: bolalarni bir-biri bilan ahil, inoq bo’lishga, jamoa fikriga quloq solishga o’rgatish;
   

d) rivojlantiruvchi: matnlarni o’qishga bo’lgan layoqatni rivojlantirish.
Dars usuli: Hikoya, suhbat.
Dars jihozlari: Poyezd, ayiq va tulki, ko’l ichidagi orqasida test yozilgan baliqchalar, “Soya teatri” va undagi qahramonlar maketlari, krossvord.
Darsning borishi: O’quvchilar bilan salomlashib, davomat aniqlanadi. Yil fasllari, oy, kun, tabiat haqida suhbat o’tkaziladi.
O’qituvchi: Darsimizning neligini so’zlar kim, Bilsangiz gar ayta qoling turmay jim?
O’quvchilar: Hozirgi darsimiz bilsangiz o’qish,
Maqsadimiz o’qib bilmoq yozu qish.
O’qituvchi: Fan haqida bilganingiz ayta qoling, O’z fikrini bildirganga quloq soling.

1. 
   o’quvchi: Kimki istar ko’p bilim, O’qish kerak betinim.
   
2. 
   o’quvchi: O’qib uqsak har qancha, Bizga bo’lar kam shuncha.
   

O’qituvchi: Hamma darsga tayyormi? O’quv qurollar bormi?
O’qituvchi o’quv qurollarni ko’zdan kechiradi. Shu mahal eshikdan Malika kirib keladi, salomlashib o’zini tanishtiradi:
-Salom bilimdon bolajonlar. Meni taniyapsizlarmi?
O’quvchilar: Yo’q tanimayapmiz!
Malika: Men ertaklar yurtining shohi Ibn Xattot qizi Shahzodabonu bo’laman. Boshimga bir mushkul ish tushdi. Men gullarni juda sevaman. Gul terish uchun chiqqan edim, adashib qoldim. O’z yurtimga bormoqchiman.
O’qituvchi: Bolajonlar, Malikaga yordam beramizmi?