Vazirligi o‘zbekiston respublikasi axborot texnologiyalari va kommunikatsiyalarini rivojlantirish vazirligi

5.2-rasm. MQIM ning ma’lumot saqlash tarmog‘ini tashkil
etish sxemasi
Bunday tarmoq sifatida dasturiy konfiguratsiyalanadigan tarmoq qabul qilinishi mumkin.
Bugungi kunda ma’lumot qayta ishlash markazlari 4 bobda yoritilgan bulut texnologiyalarining imkoniyatlari negizida takomillashtirilmoqda, “bulutli” ma’lumot qayta ishlash markazlari yaratilmoqda.
Ma’lumki, “bulut” texnologiyalarining asosida virtuallashtirish usullari yotadi. Virtuallashtirish ma’lumot qayta ishlash markazi tuzilmasini optimal tashkil etilishiga, uning resurslarini dinamik rejimda shakllantirilishiga va taqdim etilishiga imkon yaratib beradi.
Ma’lumot qayta ishlash markazini “bulut” texnologiyalari negizida takomillashtirilishi uning tarkibida virtual mashinalar, operatsion tizimlar, grid


242




tizimi dasturiy ta’minotlari va boshqa ma’lumot saqlash va qayta ishlash bo‘yicha virtual vositalar tashkil etilishini taqozo etadi.
Virtuallashtirish bitta jismoniy serverda bir nechta ilovalar ishga tushirilishiga, ma’lumot qayta ishlash markazi server resurslarini bir-biri bilan aralashtirib har xil proporsiyadagi hisoblash resurslari tashkil etilishiga va jismoniy resurslarga bo‘lgan talabni keskin kamaytirishga imkon yaratadi.
Axbort - kommunikatsiya tarmog‘i sohasida apparat-dastur komplekslarini ishlab chiquvchi jahonda tanilgan Alcatel-Lucent, Juniper, Huawei, Hewlett- Packard, Cisco kabi kompaniyalar bulutli ma’lumot qayta ishlash markazlari uchun maxsus tarmoq vositalarini yaratish va joriy etish masalalari yuzasidan ishlar olib bormoqdalar.
Bunda tarmoq vositalarini soddalashtirish maqsadida marshrutlash va kommutatsiyalash darajalarini birlashtirish, ularda dasturiy konfiguratsiyalanadigan tarmoqlarini qo‘llash kabi takliflar ishlab chiqilmoqda.
Qayd etilgan kompaniyalar tomonidan bulutli ma’lumot qayta ishlash markazini evolyusion yo‘l bilan yaratish taklif qilingan.Bunda quyidagi beshta strategik bosqichlarni amalga oshirilishi belgilangan.
Birinchi bosqichda ma’lumot qayta ishlash markazi doirasidagi lokal va global tarmoqlarda, tarmoqning server va foydalanuvchi segmentlarida hamda ma’lumot saqlash vositalarining har birida bosqichma-bosqich tarmoqning intellektual va virtuallashtirish funksiyalarini joriy etish masalalariga e’tibor qaratilishi kerak bo‘ladi.
Ikkinchi bosqichda unifikatsiyalangan kommutatsiyalash strukturasi (Unified Fabric) yaratiladi. Natijada tarmoqning virtuallashtirilgan funksiyalarini, ma’lumot saqlash, server, va ilovalar tizimlarining funksiyalarini birlashtirish hisobiga ma’lumot qayta ishlash markazining funksional imkoniyatlari kengaytiriladi va optimallashtiriladi.