Вазирлиги фарғона давлат университети

Санкция – рағбатлантириш ёки жазолаш турлари бўлиб, улар 
ёрдамида ижтимоий мақбул бўлган хулқ-атвор меъёрлари мустаҳкамланади. 
Секуляризация – жамият ҳаётига диний таъсирнинг камайиб бориш 
жараёни. 
Сиёсат – ҳокимият ҳукумат фаолияти мазмуни ва моҳиятига таъсир 
ўтказиш учун қўллайдиган воситалар. 
Сиёсий партиялар – давлат ҳокимиятига эришиш ва бу ҳокимиятдан 
муайян дастурни бажариш учун фойдаланишни маусад қилиб қўйган 
ташкилот. 
Социал дарвинизм – ижтимоий эволюцияга қараш бўлиб, гуруҳлар ва 
жамиятлар ўртасидаги кураш тараққиёт манбаи эканини таъкидлайди. 
Социология – жамятнинг структураси, унинг элементлари ва мавжуд 
бўлиши шарт-шароитларини, шунингдек ушбу структурада амалга ошадиган 
ижтимоий жараёнларни ўрганувчи фан. 
Статус – муайян индивидлар гуруҳининг жамиятдаги бошқа аъзоларга 
нисбатан кўпроқ эътирофга ёки престижга эга бўлиши. 
Структура (лот. structura – тузилиш) – системанинг тузилиши ва ички 
формаси, мазкур система элементлари ўртасидаги барқарор ўзаро 
алоқаларнинг бирлигини ифодаловчи тушунча. 
Структурализм – тилни ўрганишда вужудга келган, ижтимоий ва 
маданий тизимларнинг тузилмасини аниқлашга қаратилган назарий ёндашув. 
Субъект (лот. subjectus – асосига қўймоқ) – амалий фаолият ва билим 
билан боғлиқ бўлган, объектни билишга қаратилган фаоллик манбаи. 
Тавсифлаш – ифодалашнинг танланган тизими ёрдамида тажрибага 
асосланган социологик тадқиқотлар натижаларини қайд этиш ва бу 
натижаларни фан тушунчасида ифодалашдир. 
Ташкилот – ҳокимият муносабатларининг алўида туркумига жалб 
этилган индивидларнинг катта гуруҳи. 
Тафаккур – предмет ва ҳодисаларнинг умумий, муҳим хусусиятлари 
аниқлайдиган, улар ўртасидаги ички, зарурий алоқалар, яъни қонуний 
боғланишларни акс эттирадиган билишнинг рационал босқичи.