Вазирлиги фарғона давлат университети

Жамоатчилик фикри объекти – ижтимоий борлиқнинг, объектив 
воқеликнинг ва ижтимоий онгнинг, субъектив воқеликнинг долзарб, 
аҳамиятли, баҳс-мунозарага олиб келувчи факт, воқеа-ҳодиса ва жараёнлари.
Жамоатчилик фикри субъекти – жамоатчилик доирасида фикр 
уйғота олиш қобилиятига эга бўлган фикр эгаси ва ифодаловчиси, гуруҳлар, 
жамоалар, миллатлар, синфлар ва ҳ.к. 
Жамоатчилик фикрини хаспўшлаш (манипуляция) – долзарб 
муаммолар бўйича аҳоли онгига нисбатан бирон-бир фикрни зўрлаб 
сингдириш. 
Жиноят – ҳокимият томонидан ўрнатилган қонунларни бузадиган ҳар 
қандай хатти-ҳаракат. 
Жинс – аёллар ва эркакларни бир-биридан ажратиб турадиган 
биологик ва анатомик хусусиятлар. 
Идеал тип – воқеликдаги реал мавжудлиги шарт бўлмаган ижтимоий 
объектнинг асосий белгиларини таъкидловчи конструкция. 
Ижтимоий гуруҳ – ҳар бир аъзоси бошқаларига нисбатан 
тақсимланган кутинмалар асосида маълум бир тарзда ўзаро хатти-ҳаракат 
қилувчи индивидлар йиғиндиси. 
Ижтимоий жараён – структуравий ёки функционал жиҳатдан бир-
бирни тақозо этувчи ижтимоий ҳодисалар туркуми. 
Ижтимоий институт – маълум бир ҳаёт муҳитида инсонларнинг ўзаро 
хатти-ҳаракатларини идора этувчи ва унда рол ва статусларни белгиловчи 
расмий ва норасмий қоидалар, тамойиллар, меъёрлар, ўрнашмаларнинг 
барқарор йиғиндиси.
Ижтимоий меъёр – ижтимоий хатти-ҳаракатни умумий бошқариб 
турувчи қатори сифатида намоён бўлувчи қоида. 
Ижтимоий мобиллик – индивидлар ва гуруҳларнинг жамият 
таркибида ўз ўрнини, мавқеини ўзгартириши. 
Ижтимоий назорат – ижтимоий тизимнинг уни ташкил этувчи 
элементларининг ўзаро хатти-ҳаракатларини норматив идора воситасида 
тартибга солишни таъминловчи ўзини-ўзи идора этиш усули. 
Ижтимоий роль – муайян ижтимоий позицияни эгаллаб турган 
индивиддан кутиладиган хулқ-атвор.