Vatan tuygusi 5 2015. p65

Mamlakatimiz hududida qadimda So‘g‘d, Baqtriya (Box-
tar zamin), Parkana, Xorazm, Kushon, Turon, Turkiston,
Movarounnahr, Somoniylar, Qoraxoniylar, G‘aznaviylar,
Xorazm davlatlari rivoj topgan.
XIV asrda esa Sohibqiron Amir Temur qudratli davlatga asos
solganini siz avvalgi darslarimizdan yaxshi bilasiz. Afsuski, Amur
Temur bobomiz vafotidan so‘ng bu davlat kichik-kichik xonliklarga
bo‘linib ketadi. Ular o‘rtasida o‘zaro adovat va kurash avj oladi.
Buning oqibatida chetdagi bosqinchi kuchlar yurtimizga tajovuz qiladi.
Dashti qipchoqdan kelgan qo‘shin, Eron lashkari, XIX asrda esa
chor Rossiyasi armiyasi yurtimizni bosib oladi.
1917-yil oktabr oyida Rossiyada
bolsheviklar partiyasi davlat to‘ntarishi
qilib, hokimiyat tepasiga kelgach, yur-
timizda mustamlakachilik zulmi yana-
da kuchaydi. Bolsheviklar hukumati
1924-yilda O‘rta Osiyo hududida mil-
liy chegaralash tadbirlarini o‘tkazdi.
Unga ko‘ra, Vatanimizning hozirgi
hududida O‘zbekiston sovet sotsialistik
respublikasi tashkil etildi.
Yurtimiz bu davrda nomigagina «res-
publika» deb atalar edi. U aslida qaram
respublika edi. Faqat 1991-yil 31-av-
gustda Prezidentimiz Islom Karimov
rahbarligida o‘z mustaqilligimizga erish-
ganimizdan so‘ng biz tom ma’noda
milliy davlatimizga ega bo‘ldik.