Vatan tuygusi 5 2015. p65

Fuqarolik jamiyati davlat va jamiyat boshqaruvida fuqa-
rolar va ular tomonidan tuzilgan nodavlat tashkilotlar, o‘zini
o‘zi boshqarish idoralari faol ishtirok etadigan jamiyatdir.
Siz o‘zingiz yashayotgan joydagi mahalla idorasini yaxshi bilasiz.
Mahalla o‘zini o‘zi boshqarish idorasi bo‘lishi bilan birga, fuqarolik
jamiyatining o‘ziga xos namunasi hamdir.
Prezidentimizning deyarli barcha nutq va ma’ruzalarida huquqiy
demokratik davlat va fuqarolik jamiyati qurishning eng muhim
masalalari haqida so‘z yuritilib, ularni hal etish bo‘yicha amaliy
vazifalar belgilab beriladi. Ayniqsa, davlatimiz rahbari tomonidan
2010-yil 12-noyabrda O‘zbekiston Oliy Majlisi Senati va Qonunchilik
palatasining qo‘shma majlisida bayon qilingan Mamlakatimizda
demokratik islohotlarni chuqurlashtirish va fuqarolik jamiyatini
rivojlantirish konsepsiyasi bu borada muhim ahamiyatga ega bo‘ldi.
Ana shu konsepsiya asosida Konstitutsiyamizga muhim o‘zgartish
va qo‘shimchalar kiritildi, bir qancha qonun hujjatlari qabul qilindi.
Bularning barchasi O‘zbekistonning huquqiy demokratik davlat va
fuqarolik jamiyati barpo etish yo‘lidan izchil va qat’iyat bilan bora-
yotganini ko‘rsatadi.