Vatan tuygusi 5 2015. p65

Andijon. Zahiriddin Muhammad
Bobur haykali

---

30
«MOBIL TELEFON ICHIDAGI O‘ZBEK»
Dunyoga mashhur Bi-bi-si kompaniyasi
ulug‘ vatandoshimiz Muhammad Xorazmiy
haqida 10 daqiqalik filmni suratga oldi. Unda
alloma bobomizning matematika sohasidagi
ulkan kashfiyotlari, xususan, o‘nlik pozitsion
hisoblash tizimi va nol belgisini birinchi bo‘-
lib ilm-fanga joriy etgani, «algoritm» so‘zi
al-Xorazmiy nomidan olingani haqida hikoya
qilinadi. Bi-bi-si sharhlovchisi qo‘lidagi mobil
telefonni ko‘rsatib: «Men har safar bundan foydalanganimda
uning ichida o‘tirgan Buyuk o‘zbekka ta’zim qilaman», – deb
ta’kidlaydi. Bu so‘zlari bilan u Xorazmiy bobomiz matematika
olamidagi buyuk yangiliklari bilan mobil telefon kabi bugungi
axborot vositalariga taxminan 12 asrlar oldin asos solganini
minnatdorlik bilan e’tirof etadi.
Ana shunday e’tirof va minnatdorlik so‘zlarini Samarqandda
o‘tkazilgan xalqaro konferensiya kunlari xorijlik mehmonlar tomo-
nidan takror va takror bayon qilindi.
Globusni kim kashf etganini bilasizmi? Har safar globus-
dan foydalanganimizda qaysi ajdodimizga ta’zim qilishimiz
kerak?
Aziz o‘quvchi, siz ingliz adibi Daniel Defoning Robinzon Kruzo
haqidagi mashhur asari asosida yaratilgan filmni ko‘rgansiz. Uning
qahramoni o‘z Vatanidan yiroqda, yolg‘izlikda qiynaladi. Kimsasiz
orolga tushib qolgan bu odam insonlik qiyofasini saqlab qolish uchun
tinimsiz harakat qiladi va oxiri yolg‘izlikni yengadi. Hech shubhasiz,
bunda unga Vatan tuyg‘usi yordam beradi.