Vatan qalbim quyoshisan

Tadbir o‘tkazilayotgan joy bayramona ruhda bezatiladi. I. A. Karimov portreti va uning asarlari tasvirlangan plakat va yurtimizning obod shaharlari, ilm maskanlari tasvirlangan rasmlar, turli odob - axloq, Vatanni sevish, ilm olishga da’vat etuvchi shiorlar osiladi.

Tadbirni o’qituvchi boshlab beradi. Sahnaga tadbir ishtirokchilari(30 nafar o’quvchi) chiqishadi. O’quvchilardan ikki nafari boshlovchilik qiladi.
1-boshlovchi:
Assalom, o`zbegim, aziz turonim,
Mustaqil diyorim - O`zbekistonim!
Kelajagi buyuk, ulug` diyorsan
O`zing xon-u said, o`zingga beksan!


2- boshlovchi:
Assalom so`zimning ilk kalomidir
Ta`zimla ko`ksimga qo`yay qo`limni.
Bu mening sizlarga ehtiromimdir
Buyuklar qo`llasin nazmiy yo`limni.
1-boshlovchi:
Shiorimiz: Ona yerning tuprog’i ona sutidan aziz.


2-boshlovchi:
Maqsadimiz:
Qunt bilan o’rganib har bitta fanni,
Shon-shuhratga o’raymiz ona Vatanni!
1-boshlovchi: Bugungi tadbirimizni “Vatan - qalbim quyoshi” deb nomladik.

2-boshlovchi: Barchangiz ushbu tadbirimizga xush kelibsiz .

1-o`quvchi: Vatan-biz tug’ilib o’sgan joy. Vatan bu-oilamiz, maktabimiz, mahallamiz, O’zbekistonimiz. (O’zbekiston haqida qo’shiq ijro etiladi).

2- o'quvchi: O`zbekiston –mustaqil, ozod, obod, betakror, qadimiy, tarixiy , jannatmakon yurt deya ta`rif etamiz.

3-o'quvchi: Bu jannatmakon yurt faqat bizga atalgan. Uning mehrga kon quyoshi faqat biz uchun nur sochadi. (Milliy raqslarimizdan biri ijro etiladi).

Albatta, jahon-keng, dunyoda mamlakat ko’p. Lekin bu olamda betakror ona yurtimiz, O’zbekistonimiz yakka-yu yagona. Bu go’zal yurt,
bu muqaddas zamin faqat bizga atalgan.




4-o’quvchi:
Inson uchun havo, quyosh, suv, non, ota-ona qanchalik aziz va muqaddas bo’lsa, Vatan ham shunchalik mo’tabardir. Vatan ona tuproqdan boshlanadi. (“Vatanim” qo’shig’i ijro etiladi ).
5-o’quvchi:
Vatan ona kabi yagonadir. Yagonaligi bilan muqaddas va mukarram, yagonaligi bilan bebaho va beqiyosdir. (Monitorda jannatmakon yurtimizning obod maskanlari namoyish etiladi).


6-o’quvchi: Har bir inson o’z Vatanini sevishi, ardoqlashi shart.Yovvoyi hayvonlar ham tug’ilib o’sgan joylarini tashlab ketishni istamaydilar. O’t-o’lan, dov-daraxtlarning begona tuproqda unib-o’sishi qiyin. Chunki hayvonlar ham, o’simliklar ham o’zi dunyoga kelgan tuproqda yashashga moslashgan.