Vatan qalbim quyoshisan

7-o’quvchi: (Multimedia namoyish etiladi).
Alisher Navoiyning “Xamsa” asarida kabutar haqidagi ibratli hikoyat bor. Unda aytilishicha, qadim zamonda xat tashuvchi bir kabutar bor ekan. Kunlarning birida zolim shoh uni tutib, qafasga solib qo’yibdi. Bir necha
yillar o’tib kabutar qafasdan ozod bo’libdi va to’g’ri o’z uyi tomon parvoz qilibdi. Kabutar uyini uzoq qidiribdi. Chunki yillar davomida uning uyi vayron bo’lib ketgan ekan. Chiroyli kabutarni ko’rgan kishilar don sepib chorlab, uni yana tuzoqqa tushirmoqchi bo’libdilar. Lekin kabutar ularga e’tibor qilmay uyini qidirishda davom etibdi. Nihoyat , u o’z uyini topib, quvonch bilan unga qo’nibdi. Kabutar uchun oltin qafasdan, shohning chiroyli qasridan o’zining mana shu vayrona uyi afzal ekan-da!
8-o’quvchi:
Dunyoda sevishga, ardoqlashga arziydigan narsalar ko’p. Lekin eng buyuk muhabbat-bu Vatanga bo’lgan muhabbatdir. O’z Vatanini sevgan inson buyuk ishlarga qodir bo’ladi.


9- o'quvchi : Vatan.
Guljahon Abdurahmonova.

Bog’laganda belbog’ yetmas beliga,

Mingta arslon teng kelmas bir qo’liga,
Baland tog’lar g’ov bo’lolmas yo’liga—
Go’ro’g’libek, Alpomishlar yurti bu.

Yuzlari nuridan quyosh qamashar,

Ko’zlaridan yulduzlar uyalishar,
Bo’yi birla sochlari bo’y talashar—
Kunsuluvlar, Oybarchinlar yurti bu.

Harbi birla jahonga dong’i ketgan,

Zarbi birla yer yuzini zabt etgan,
Poyqadami osmonlarga ham yetgan—
Temuriylar, Ulug’beklar yurti bu.

Mustaqillik chechagini undirgan,

Yetmish yillik istibdodni singdirgan,
Yurt boshiga Humo qushin qo’ndirgan
“Yurtim!” – degan Yurtboshimning yurti bu.
1-boshlovchi:
Bunday g`o`zal diyorimizga ko`zlar tegmasin. Mustaqilligimizga rahna soluvchi kuchlar bo`lmasin.
2-boshlovchi:
Ammo olloh nazari tushgan ona Vatanimizning tinchligini, buyuk kelajagini ko`ra olmaydigan yovuz kuchlar ham yo`q emas.
10-o'quvchi:
Hech bir yovuz niyat xalqimizga soya solmasin, hech bir yomon ko`ngil haqiqat yo`llariga to`siq bo`lmasin, hech bir noxushlik dillarimizda afsus va pushaymon bo`lib bitmasin.