Vatan himoyachilari kuni

(Sahna ko'rinishi)

O'g'lini harbiy xizmatga kuzatgan onaning ko'ngli g'alati - bezovta bo'ladi. Yurtga tinchlik, o'g'lining esa sog'-salomat kelishini Xudodan iltijo qilib so'raydi. Shu payt o'glining dushman bilan bo'lgan jangda mardlarcha halok bolganligi haqidagi xabarni yetkazishadi.

Onaizor nima qilishini bilmay zor-zor yig'laydi. Dushmanlarga Xudodan qasos tilaydi.

1-boshlovchi:

- Hozir sahnada ko'rganingiz hech qanday mubolag'asiz hayotiv voqeadir. Chunki, yurtimiz mustaqilligidan so'ng, uning tinch, osoyishta hayot kechirishini ko'rolmaydigan g'alamislar bir necha bor suqilib kirishga harakat qilishmoqda.

2-boshlovchi:

- XXI asr vabosi hisoblangan terrorizmga qarshi Vatanimiz Qurolli kuchlarida xizmat qilayotgan o'glonlar o'zlarining mahorati, mardligi hamda yurtning sodiq farzandi ekanligini ko'rsatishmoqda.

1-boshlovchi:

- Yaxshiyamki, baxtimizga Vatan himoyachilari, posbonlari, mard va jasur o'glonlari, huquqni muhofaza qiluvchi ichki ishlar xodimlari bor ekan. Vatan himoyachilarining

sa'y - harakatlari, vatanga bo'lgan muhabbatlari, sadoqatlari evaziga yurt tinchligi saqlab qolindi.

2-boshlovchi:

- Necha-necha vatandoshlarimiz bir to'da g'alamislar bilan olishuv choglda Vatan va xalq osoyishtaligi uchun qahramonlarcha halok bolishdi.

1-boshlovchi:

- Hurmatli mehmonlar, aziz ustozlar va tengdoshlar! Shu aziz Vatan deb shahid ketgan ota-bobolarimiz, akalarimiz, vatandoshlarimiz xotirasi uchun bir daqiqa sukut saqlashingizni so'raymiz.