Varieties hand out notes uzb

Yosh ko‘chatlarni parvarishlash 
Anor ko‘chatlari yagona yoki bir nechta asosda shakllantirilishi mumkin.
Sifatli hosil olish uchun daraxt har yili butab turilishi shart.
Anor daraxtlarini sug‘orish va oziqlantirish 
Anor daraxtlari yaxshi rivojlanishi uchun muntazam sug‘orilish talab etiladi.
Anor daraxtlari uchun suv mavjudligi juda muhim, shu sababdan ular yetarlicha 
sug‘orilishi tavsiya qilinadi. Agar mavsum davomida sug‘orish imkoniyati mavjud 
bo‘lsa, suvsizlikdan stressga tushmasligi uchun daraxtlar qancha talab qilsa shuncha 
sug‘orilishi maqsadga muvofiq.
Umuman olganda, mavsum va hudud talablaridan kelib chiqqan holda yoz 
mavsumlarida anor daraxti yetarlicha sug‘orilishga ehtiyoj sezadi. Suv turib 
qolmasligi va tuproqning suv o‘tkazuvchanligini yaxshilash uchun zarur chora-
tadbirlar o‘z vaqtida amalga oshirilishi tavsiya qilinadi.
To‘g‘ri rejalashtirilgan oziqlantirish rejasi anor daraxtlarining tuproqda 
mavjud yoki yetarlicha bo‘lmagan N, P, K makro va mikro ozuqalarga bo‘lgan 
talabini qondirishga qaratilgan bo‘ladi. 
 
2.4. Meva shakllanishi-gul va mevalarni siyraklashtirish 
Kurtak yorgandan so‘ng bir oy o‘tib yangi shakllangan novdalarda 
gullar (yangi mavsumda shakllangan novdalar asosida) hosil bo‘ladi, aksariyat 
hollarda kurtaklar qisqa novdalarda shakllanadi. Gullar yakka, juft yoki to‘p 
(5 tagacha) ko‘rinishda bo‘ladi. Yakka gullar novda tanasiga yaqin joyda, gul 
to‘plar esa novdalar uchida hosil bo‘ladi. Gullash va meva hosil bo‘lish 
jarayoni bir oy davom etadi.
Anor gullari ikki turda bo‘ladi:
•
germofrodit-meva hosil qiluvchi yaxshi rivojlangan urug‘don va gul 
naychasiga ega gul.
•
erkak gul-ko‘plab shakllangan gul changlari bo‘ladi, lekin urug‘doni 
yaxshi rivojlanmaydi (2.4.1-rasmga qarang: gul anatomiyasi).

---

80 
Anorning gullovchi navlari erkak va germofrodit gullar hosil qiladi. Meva 
hosil qiluvchi gullar germofrodit gullar deb yuritiladi. Odatda uning ichi to‘liq, 
asos qismi dumaloq va umumiy shakli ko‘zaga o‘xshab ketadi. Meva hosil 
qilmaydigan erkak gul kichikroq va torroq, qo‘ng‘iroq shaklida bo‘ladi. Quyidagi 
rasmlarda chapki tarafda erkak va o‘ng tarafda germofrodit gullar misol 
tariqasida berilgan. (2.4.2-rasm)