Varieties hand out notes uzb

Ob-havo sharoitlari 
Anor daraxtlari rivojlanishi uchun optimal sharoitlar yetarlicha quyosh nuri, 
iliq qish va quruq (issiq) yoz mavsumidir. Ayniqsa, meva rivojlanishining so‘nggi 
bosqichlarida yomg‘ir bo‘lmasligi katta ahamiyatga ega. Bunday sharoitlarda meva 
eng yaxshi hajm, rang va yetarlicha shira oladi. Bu esa o‘z navbatida mevaning 
yorilishi bilan bog‘liq muammolarni kamaytiradi. Anor daraxti tinim davrida 11
0
C 
haroratda sovuqdan zararlanishi mumkin. Izlanishlar shuni ko‘rsatadiki, anor 
daraxtlari -9°C dan -12°C gacha haroratga chidashi mumkin. -20°C haroratda esa 
anor daraxtlarining butun tanasi yer yuzasiga muzlab quriydi.

---

70 
Vegetativ mavsum uzoq davom etuvchi, lekin harorat -15°C dan tushib 
ketuvchi hududlarda samarali hosil olish maqsadida anor ko‘chatlarini qishda 
sovuqdan himoyalash tavsiya qilinadi.
Kech gullashi sababli odatda erta bahordagi qirovlar anor ko‘chatlari uchun 
uncha katta muammo tug‘dirmaydi, lekin kech kuzgi qirov yoki kutilmagan sovuq 
hosil uchun juda xavfli bo‘lishi mumkin.
Anor daraxtlari qishki tinim davrida sovuqqa birmuncha chidamli, lekin kuzda 
tinim davriga to‘liq kirgungacha bo‘lgan va bahorda kurtak yorish davrlarida 
sovuqdan aziyat chekishga ancha moyil bo‘ladi.
Anor daraxtlari issiqqa juda chidamli ya’ni 120 kun davomida harorat +30 C 
dan yuqori bo‘ladigan hududlarda juda yaxshi rivojlanadi. 
Tuproq sharoitlari 
Anor daraxtlari turli tuproq sharoitlariga tez moslasha oladi, lekin unumdor 
bo‘z tuproqlarda juda yaxshi rivojlanadi. Shunday bo‘lsada, ular turli tuproq 
sharoitlarida shu jumladan, o‘rtacha sho‘rlangan tuproqlarda ham rivojlanadi. Anor 
daraxtlari sho‘rlik darajasi yuqori bo‘lgan tuproqlarda ham o‘sib-rivojlanishi 
mumkin. Anorning rivojlanishi uchun tuproqning suv o‘tkazuvchanligi (suv turib 
qolmasligi) juda muhim.
Anor daraxtlari kislotaligi o‘rta me’yordan ishqorliligi bir oz yuqori bo‘lgan 
tuproqlarda ham rivojlanishi mumkin, ular yaxshi rivojlanishi uchun eng yaxshi 
tuproq sharoitlarining pH ko‘rsatkichi 5.5-7.5 oralig‘idagi tuproq sharoitlarida ham 
yaxshi rivojlanadi.
Tuproqning ishqoriyligi yuqori va suv o‘tkazuvchanligi yomonlashgan 
sharoitlarda meva sifati buzilishi mumkin. Yuqorida tilga olinganidek, ular 
unumdorligi yuqori bo‘z tuproqlarda va qumoq tuproqlarda yaxshi rivojlanadi.