Vaqti: 1-juftlik 09: 00 da Fakulteti

Тамға - савдо божи. Савдогарлардан олинадиган солиқ.
Тархон - 1.Мўғуллар ва Темурийлар даврида тожу-тахт олдида кўрсатган алоҳида хизматлари учун алоҳида имтиёзга эга бўлган амир. Тархон ёрлиғи эгаси хон ҳузурига бемалол кира олган, солиқлардан озод этилган ва тўққиз мартагача жинояти кечирилган, ўзи ва авлоди ҳам солиқлардан озод этилган.
2. Ўрта асрларда туркий халқлардаги ер эгаси - феодал.
3. Ўрта Осиё хонликларида феодалларнинг давлат солиқларидан озод қилинган ер-сув, мол-мулклари.
Тим (тоқ) - ўрта асрларда усти ёпиқ бозор.
Тузук - қонун; Турк-мўғул халқлари орасида амалда бўлган қонун-қоидалар.
Устурлоб - юлдуз ва сайёраларнинг ўрни ва баландлигини ўлчайдиган астрономик асбоб.
Фулус - майда мис чақа.
Хазора - Амир Темур қўшинида минг кишилик ҳарбий бирлашма.
Чақирим - ўрта асрлардаги масофа ўлчов бирлиги. 1.06 километрга тенг
Шикор - ов.
Шом - Сурия мамлакатининг ўрта асрлардаги номи.
Ясовул - дастлаб Чингизхон томонидан жорий қилинган қонун-қоидалар тўплами-ясога фуқаролар қандай амал қилаётганини назорат қилиб турувчи кичик мансабдор шундай аталган. Кейинчалик ҳукмдорнинг шахсий топшириғини бажарувчи шахс ҳам ясовул деб юритила бошланган.
Ясси - ҳозирги Қозоғистон Республикасидаги Туркистон шаҳрининг ўрта асрлардаги номи.
“Ўз даврининг Птоломейи” - Улуғбек Расадхонасида фаолият юргизган машҳур астроном ва математик Али Қушчини замондошлари шундай ном билан улуғлашган
Қозоқлик - тож-тахтга даъвогарлик қилиб юрган бирон шаҳзоданинг ўз мақсадига эришиш ниятида бошқа бирон соҳиби салтанатнинг хизматини ўтаб юрган кезларидаги турмуш тарзи. Амир Темур бир пайтлар шу ният билан Мўғулистон ва Сейистон подшоҳлари хизматида бўлган.
Қора-қуюнлилар сулоласи - 1380-1468 йилларда Ироқ ва Озарбайжонда ҳукмронлик қилган туркманлар сулоласи. Қора Юсуф туркман (1388-1420) 1388-1389 йилларда Арманистон, Ироқ ва Жанубий Озарбайжон сарҳадларида Амир Темур лашкарларига қарши жанглар олиб борган. У Амир Темурдан енгилиб Турк султони Боязид саройига қочиб паноҳ топган. Шу сабабли Амир Темур ва Боязид ўртасида келишмовчилик келиб чиққан. Қора Юсуф ўз юртига фақат 1406 йилда Амир Темур вафотидан кейин қайтган.