Vaqti: 1-juftlik 09: 00 da Fakulteti

Бору - қалъа девори; қалъа деворининг ўқ отишга мўлжалланган махсус мустаҳкам қисми.
Буронғор - Амир Темур қўшинида асосий жанговор қисмнинг ўнг қаноти.
Доруға - ҳарбий маъмур. Бирон бир вилоят ёки шаҳарнинг ҳокими.
Ёсол - қўшин сафи. Ёсол тузиш-қўшинни юриш, кўрик ёки жанг олдидан сафга тизиш.
Жариб - ўрта асрларда амалда бўлган ер ўлчов бирлиги. Бир жариб 968 кв. метрга тенг бўлган. Бир жариб тахминан бир танобга тенг.
Жувонғор - Амир Темур қўшинида асосий жанговор қисмнинг сўл (чап) қаноти
Изофа - Амир Темур қўшинининг заҳира (резерв) қисми.
Йилдирим - Усмоний Турклар султони Боязид (1389-1402) га берилган лақаб.
Кадхудо - қишлоқ ва шаҳар оқсоқоли.
Канбул - Амир Темур қўшинида қўриқчи аскарий қўшилма.
Кўрагон - Хон куёви. Чингизхон авлодига уйланган шахс.
Лаввоҳ - китоб лавҳаларини тайёрловчи уста.
Лангархона - мусофирхона. Ўрта асрларда йўловчи мусофир, сайёҳ ва зиёратчилар тунаб, дам олиб ўтадиган жой, ғарибхона.
Монийи соний (Иккинчи Моний) - машхур мусаввир Камолиддин Беҳзод (1455-1535)га замондошлари томонидан берилган унвон.
Мочин (Чинмочин) - ўрта асрларда Хитойнинг номи.
Музаффарийлар - 1313-1393 йилларда жанубий Эронни идора қилган маҳаллий сулола. Амир Темур томонидан тугатилган.
Музорий - экин майдонларга ишлов берувчи ёлланма зироатчи.
Мутриб - мусиқашунос, созанда.
Муҳассил - солиқ ундирувчи амалдор.
Настаълиқ хати - араб мумтоз хати услубларидан бири бўлиб, унда ёзилган ёзувларнинг 5/6 қисми эгри, 1/6 қисми эса тўғри чизиқлар асосида ёзилади.
Раият - солиқ тўловчи халқ, қора халқ.
Расадхона - осмон жисмлари тадқиқоти учун махсус жиҳозланган илмий муассаса ва шу муассаса жойлашган бино. У аҳоли орасида “Нақши жаҳон” деб ҳам юритилган.
Рум - Рим империясининг ўтмишда Шарқ ва Ўрта Осиёда кенг тарқалган номи. Милодий IV-асрда Рим империяси парчалангач, “Рум” атамаси Византия империясига (395-1453) нисбатан ишлатиладиган бўлди. XIII-XV асрларда мусулмон тарихчилари Византияни Рум деб атаганлар.