Vaqt haqida tushuncha

Kerakli jihozlar: Hafta kunlarini ifodalovchi (shartli ravishda) 1 dan 7 gacha son bilan ko‘rsatilgan kartochkalar jadvali.
O‘yin mazmuni: Tarbiyachi 1 raqami yozilgan kartochka dushanbani bildirishini, 2 raqami yozilgan kartochka –seshanbani bildirishini va nihoyat 7 raqami yozilgan kartochka yakshanbani bildirishini tushuntiradi.
Bolalar birgalikda hafta kunlarining nomini takrorlaydilar. Tarbiyachi 7 ta bolani chaqiradi va ularga kartochkalarni beradi. 7 ta bolaning har biri haftaning qaysi kuni bo‘lganligini aytadi.
So‘ngra tarbiyachi haftaning istagan kunini aytadi, masalan: “Chorshanba”. O‘zini “Chorshanba” deb aytgan bola birinchi bo‘lib turadi. “Hafta, saflan!”
signaliga muvofiq bolalar chorshanbadan oldin va keyin to‘g‘ri ketma-ketlikda saflanishlari kerak. Agar safda xato bo‘lsa, boshqa bolalar to‘g‘rilaydilar va hafta kunlarini tartib bilan aytadilar. O‘yin shu tarzda davom etadi.

“Fasllar” o‘yini

Bolalar doira bo‘lib o‘tiradilar va navbat bilan “qish”, “bahor”, “yoz”, “kuz” deb fasllarni aytib chiqadilar. Tarbiyachi boshlovchi bo‘ladi. Boshlovchi “bahor” desa, “bahor” so‘zini aytgan bolalar o‘rnidan turib, joylarini almashtiradilar. Boshlovchi turganlarning bittasini o‘rniga o‘tirib olishi lozim. O‘tira olmagan bola boshlovchi bo‘ladi va boshqa faslning nomini aytadi. O‘yin shu tarzda davom etadi. Sutka qismlari(ertalab,kunduzi, kechqurun,tush)ni farqlaydi.

“Zakovat” o‘yini

O‘yin qoidalari: Bolalar ikki guruhga bo‘linishadi. Har bir guruh berilgan o‘nta topshiriq va shartlarni baja radilar. 1-topshiriq. Kun va tun tasvirlangan rasmlar aralash holda ikkita stolga bitta qilib qo‘yishadi. Bolalar kun va tun tasvirlangan rasmlarni berilgan vaqt ichida alohida-alohida qilib qo‘yishadi. 2- topshiriq: Kun vat un rasmlarini chizishadi va izohlab berishadi. 3-topshiriq: “topgan-topaloq” o‘yini.Bolalar kun va tun haqidagi topishmoqlarni topishadi.

Topishmoq

1.Ikki qarg‘a yiroqda
Biri kunda, biri tunda.(quyosh va oy) 2.Yopilsa ochilmaydi,
Ochilsa yopilmaydi.