Vaqt : Talabalar soni: Ma’ruza rejasi

Quloq mikroflorasi. 
Normada ichki va o’rta quloqda mikroblar bo’lmaydi. Tashqi quloq yo’lida yog’ bezlari yaxshi 
rivojlangan, ular sekreti hisobiga quloqda kir yig’iladi.Sog’lom odamlar qulog’ida ichaq tayoqchasi, 
Proteus, nopatogen stafilokokk va korinebakteriyalar, achitqi zamburug’lari uchraydi. 
Alloxton mikrofloraga Stap’.aureus, Str.pigenes, Ps.aeruginosa, Aspergillus fumigatus, A.niger, 
A.terreus kabi mikroorganizmlar kirishi mumkin. 
Nafas yo’llari mikroflorasi. 
Nafas yo’llarining autoxton mikroorganizmlariga asosan quyidagilar kiradi: Stap’. epidermidis, 
Stap’. saprop’yticus, difteroidlar, peptokokklar, korinebakteriyalar, saprofit grammanfiy 
diplokokklar, Str. mitis va Bact. fragilis. Alloxton mikroblarga Stap’. aureus, Str. pyogenes, Str. 
pneumoniae, M. lacunata, ‘. influenzae, adenoviruslar va boshqalar misol bo’la oladi. 
Sovuq qotish, surunkali vitaminlar yetishmasligi, nafas yo’llarining shikastlanishlari, immun 
tizim faoliyatining susayishi natijasida nafas yo’llaridagi shartli-patogen va patogen mikrob turlari 
har xil kasalliklar (nafas yo’llarining o’tkir kataral yallig’lanishi, bronxit, zotiljam va 
boshqalar)ning kelib chiqishiga sabab bo’ladi. 
Og’iz bo’shlig’i va me’da-ichak tizimi mikroflorasi. 
Og’iz bo’shlig’i odam organizmida mikroorganizmlar uchun qulay sharoitli joylardan 
hisoblanadi. Bu yerdagi so’lak hisobiga yuzaga keladigan doimiy namlik va ko’p miqdordagi oziq 
moddalar, optimal rN, mo’’tadil xarorat mikroblarning adgeziya qilishi va ko’payishiga sharoit 
tug’diradi. 
Og’iz bo’shlig’idagi autoxton mikroorganizmlarga Str. salivarius (tilda), Str. mitis, Str. sanguis 
(lunj epiteliysida), Str. mutans (tishlarning ustki qismida), bakteroidlar, fuzobakteriyalar, 
veylonellalar, aktinomitsetlar, spiroxetalar [Leptospira, Borrelia, Treponema (Tr. macrodentium, Tr. 
oralis, Tr. dentioola) turkumlari], mikoplazmalar (M. orale, M. salivarium), protozoalar (Ent. 
buccalis, Ent. dentalis, Tr. buccalis), zamburug’lar va boshqalar kiradi. 1 ml so’lakda 107–108 
miqdorda 200 xil atrofida aerob va anaerob mikroorganizmlar uchraydi. Bolada tish chiqayotgan 
davrda obligat grammanfiy anaeroblarning ko’payishi kuzatilgan. 
Og’iz bo’shlig’ining alloxton mikroblariga enterobakteriyalar (Ess’erichia, Klebsiella, 
Enterobacter, Proteus turkumlari), Ps. aeruginosa, spora hosil qiluvchi bakteriyalar (Bacillus, 
Clostridium turkumlari) kiradi. 
Og’iz bo’shlig’idagi grammanfiy kokklar (Veilonella turkumi) uglevodlarni SO2 va N2O hosil 
bo’lguncha parchalaydi va muhit rN muvozanatini saqlaydi. Dunyodagi 1% kishilarda bu mikroblar 
ko’p miqdorda uchraydi, shuning uchun ularda karies kasalligi kuzatilmaydi. 
Tish milkida tosh hosil bo’lishida aktinomitsetlarning (A.viscosus, A. israeli) ta’siri katta. 
Toshlarning ko’payishi parodontoz kasalligiga olib keladi. 

---