Vaqt : Talabalar soni: Ma’ruza rejasi

 
Odam tanasi normal mikroflorasi. 
Teri mikroflorasi: 
Teri doimo tashqi muhit ta’sirida bo’lishiga qaramay, undagi mikroorganizmlar turi va miqdori 
organizmdagi boshqa bioptatlarga nisbatan ko’p emas. Odatda 1 sm2 terida 102–103 
mikroorganizm aniqlanadi. Bularga asosan Stap’yococcus epidermidis va S.saprop’yticus, 
sartsinalar, mikrokokklar, difteroidlar, zamburug’lar, streptokokklar, batsilla va korinebakteriyalar 
kiradi. Ular terining epidermis va shox qavati, ter bezlarining yo’llari, soch xaltachalarida uchraydi. 
Terida mikroblarning ko’p bo’lmasligiga sabab, uning nordon muhiti hisoblanadi (rN–5,5), bunday 
muhit ko’pgina patogen mikroblar uchun bakteritsid ta’sir ko’rsatadi. 

---

Terida vaqtinchalik uchraydigan alloxton mikroblarga quyidagilar kiradi: S.aureus, - gemolitik 
va nogemolitik streptokokklar, E.coli. 
Odam tanasida mikroorganizmlar bilan ko’p ifloslanadigan joylar: qo’l kafti, oyoq, yuz, quloq, 
anus va siydik-tanosil a’zolari atrofidagi teri. SHuning uchun bu joylarni tez-tez yuvib turish zarur. 
Mikroorganizmlar kichik bo’lishiga qaramay normal teri ichiga kira olmaydi, chunki terida 
mexanik to’siq omillari ham mavjud. Agar teri shikastlanib, unga tushgan shartli-patogen yoki 
patogen mikroblar tezda ko’payib, mahalliy himoya kuchlarini yenga olsagina, u yerda yiringli, 
zamburug’li va virusli yallig’lanish jarayonlari yuzaga keladi va infektsiya o’chog’iga aylanadi. 
Ko’z shilliq qavati mikroflorasi. 
Mikrobiologik tekshiruvlarga ko’ra sog’lom odamda 20–30 yoshgacha 45–50% hollarda ko’z 
shilliq qavati steril bo’ladi. Bu tozalik a’zoning anatomik-fiziologik xossalari bilan bog’liq. 
Kon’yunktiv mikroflorasiga, asosan, stafilokokklar, Corynebacterium xerosis, mikoplazma, 
adeno- va gerpesviruslar kiradi. Bu mikroorganizmlar miqdori kam, ammo himoya omillarining 
susayishi, ko’zning shikastlanishi hisobiga yiringli yallig’lanish jarayonlari (kon’yunktivit, blefarit, 
uveit va boshqalar) yuzaga kelishi mumkin.