Va tabiiy resurslar

Zaynur- shaharcha, ekinzorlari ko’p, biroq odamlari oz.
Navjod- shaharcha. Mustahkam qo’rg’oni bor.
Digar- shaharcha, Nizom daryosi yaqinida joylashgan, havosi hush va noz-nemati ko’p.
Shumon-mustahkam shahar, tog’ yon bag’rida joylashgan. Uning aylanasi bora bilan o’rab olingan, tog’ tepasiga qurilgan qo’rg’oni va qo’rg’on ichida katta buloq bor. Unda zafaron ko’p yetishtiriladi.
Afrizon- aholisi kam bir shahar, tog’lar orasida joylashgan.
Vishgird- mustahkam shahar, tog’ va dashtlikda joylashgan. Chag’aliyon va Xutalon orasida. U yerda doim shamol esadi.
Sarushana- katta va obod noxiyat, noz-nemati, shahar va rustolari ko’p. U yarda sharob ko’plab tayyorlanadi, tog’laridan temir qazib olinadi.
Zomin- Xo’jand va Farg’ona yo’lidagi shahar. Sarushanaga qarashli. Unda mustahkam qo’rg’on bor. Ekinzorlari ko’p bir joy erur.
Charqon- shaharcha, Sarushanaga kiradi, obod joy.
Dizak- shaharcha, unda oqar suv bor. Uning yaqinida marsamanda degan joy bor. Unda bir yilda bir kun bozor bo’ladi va o’sha kuni ul bozorda yuz ming dinor savdo qilinadi deydilar.
Butamon- tog’ daralarda joylashgan noxiyat. Sarushana hududida. U 3 qismdan iborat. Ichki Batamon, O’rta butamon va tashqi Butamon. Bu ekinzorlari ko’p bir nohiyatdir. Darveshlar joyi. Uning qishloqlari va rustolari ko’p. Tog’larida navshodir konlari ko’p erur.
Xo’jand- shahar. Shu nomdagi nohiyatning qasabasi erur. Ekinzorlai ko’p. Odamlari muruvatli, u yerda anor ko’p yetishtiriladi.
Farg’ona- katta va obod nohiyat. Unda noz-nematlar faravon erur. Tog’lar ko’p, dashtu shaharlari, oqar suvlari bor. Turkistonning eshigidir. U yerga ko’plab turk qullar keltiriladi. Tog’lari oltin, kumush, mis, qo’rg’oshin, simon, mag’nit toshi va minerallarga boy, u yerda tabarxun va antiqa dorilar tayyorlashda ishlatiladigan dorilar bor.
Axsikat- Farg’onaning kasabasi, amir va masul ayonlarning qarorgohi erur. Katta shahar. Xashart daryosi bo’yida joylashgan, tog’ etagida. Uning tog’larida oltin va kumush konlari ko’p. Odamlari musalasni ko’p ichadi.