Va tabiiy resurslar fakulteti kartografiya

DAVLAT KADASTRLARIGA DOIR AXBOROTNI TAQDIM ETISH

Davlat kadastrlariga doir axborot davlat hokimiyati organlariga bepul, boshqa yuridik va jismoniy shaxslarga esa belgilangan tartibda haq evaziga taqdim etiladi. Davlat siri hisoblangan davlat kadastrlariga doir axborotdan foydalanish qonun hujjatlari bilan tartibga solinadi. Kadastr obyektlari to‘g‘risidagi kadastr ma’lumotlarining kompyuter bazasi davlat kadastrlarini yurituvchi mas’ul organ tomonidan tuman, shahar kadastr, reystr daftariga kiritilgan ma’lumotlari asosida tuziladi. Kadastr obyektlari to‘g‘risidagi kompyuter ma’lumotlari Qoraqalpog‘iston Respublikasi, viloyatlar, Toshkent shahri bo‘yicha yilning har choragida umumlashtiriladi, bir tizimga solinadi va ular ma’lumotlari asosida O‘zbekiston Respublikasi bo‘yicha kadastr obyektlari to‘g‘risidagi kadastr ma’lumotlarining bir tizimga solingan kompyuter bazasi shakllantiriladi.Davlat kadastrlari ma’lumotlari (kadastr axboroti) DKYATga alfavit-raqamli (matnlar, jadvallar, vedomostlar, yilnomalar va h.) va grafik (xaritalar, planlar, kesmalar, sxemalar va h.) shakllarda an’anaviy (qog‘oz) va (yoki) elektron shakllarda taqdim etiladi. Davlat kadastrlari ma’lumotlari belgilangan tartibda tasdiqlangandan so‘ng DKYATga 1-yanvar holati bo‘yicha,tegishli kadastrlarni yuritish tartibi to‘g‘risidagi nizomlar bilan belgilangan muddatlarda, lekin hisobot yilidan keyingi yilning 1-aprelidan kechiktirmay taqdim etiladi. Davlat kadastrlarining tezkor tavsifdagi ma’lumotlari belgilangan tartibda tasdiqlangandan so‘ng DKYATga zaruratga qarab taqdim etiladi. Davlat siri bo‘lgan kadastr axborotini taqdim etish O‘zbekiston Respublikasining “Davlat sirlarini himoya qilish. to‘g‘risida”gi Qonuni va boshqa qonun hujjatlari bilan belgilangan tartibda amalga oshiriladi. Davlat kadastrlari ma’lumotlarini elektron (raqamli) shaklda taqdim etish ArcGIS oilasiga mansub dasturiy mahsulotda raqamli kartografik asosda unga atributiv ma’lumotlarbazasini bog‘lagan holda GAT-loyiha yoki 1:200 000 bazaviy masshtabdagi tematik qatlam ko‘rinishida amalga oshirilishi lozim. Raqamli kartografik asos va ma’lumotlar bazasining texnik parametrlari beriladi.