Va tabiiy resurslar fakulteti kartografiya

MIRZO ULUG‘BEK NOMIDAGI O‘ZBEKISTON MILLIY UNIVERSITETI
GEOGRAFIYA VA TABIIY RESURSLAR FAKULTETI KARTOGRAFIYA KAFEDRASI
5311500 – GEODEZIYA, KARTOGRAFIYA VA KADASTR YO`NALISHI IKKINCHI BOSQICH SIRTQI O‘ZBEK GURUHI
DAVLAT KADASTRLARI ASOSLARI FANIDAN
AMALIY ISH
МAVZU: DAVLAT KADASTRLARI YAGONA TIZIMINI (DKYAT) YARATISH VA YURITISH TARTIBI BILAN TANISHISH.
BAJARDI:
QABUL QILDI : IBRAIMOVA A.A.
TOSHKENT-2022

TOPSHIRIQNING MAQSADI

Davlat kadastrlari yagona tizimini (DKYaT) yaratish va yuritish, DKYaTga axborotni taqdim etish tartibi bo`yicha bilim, tushuncha va amaliy ko`nikmalar hosil qilish.

MAVZUNI O`RGANISH MASALALARI

1. 
   Davlat kadastrlari yagona tizimini yaratish va yuritish
   
2. 
   Davlat kadastrlari obyektlari va subyektlari tavsifi
   
3. 
   Davlat kadastrlariga doir axborotni taqdim etish
   

TOPSHIRIQNI BAJARISH TARTIBI

Topshiriqni bajarish uchun har bir talaba davlat kadastrlari yagona tizimini yaratish va yuritish tartibi bilan tanishib chiqadi. Quyida berilgan jadvalni to`ldiradi.
Ishni bajarish va rasmiylashtirishda quyidagilarga e’tibor qaratish talab etiladi:

1. 
   Eng yangi va zamonaviy rasmiy manbalardan, amalda bo`lgan huquqiy hujjatlardan foydalanish.
   
2. 
   Davlat kadastrlari yagona tizimini yaratish va yuritish tartibini o`rganish.
   
3. 
   Davlat kadastrlari obyektlari va subyektlari bilan batafsil tanishish.
   
4. 
   Davlat kadastrlariga doir axborotni taqdim etish tartibini o`rganish.
   
5. 
   Xulosa.
   
6. 
   Foydalanilgan adabiyotlar va manbalar ro‘yxati.
   

DAVLAT KADASTRLARI YAGONA TIZIMINI YARATISH VA YURITISH

Davlat kadastrlari yagona tizimi (DKYaT) — davlat kadastrlarining barcha turlarini birlashtiruvchi ko‘p maqsadli axborot tizimidir.Quyidagilar Davlat kadastrlari yagona tizimiga kiradi:

• 
  davlat yer kadastri;
  
• 
  konlar, foydali qazilmalar va texnogen hosilalarning yuzaga chiqish hollari davlat kadastri;
  
• 
  davlat suv kadastri;
  
• 
  davlat o‘rmon kadastri;
  
• 
  o‘simlik dunyosi obyektlari davlat kadastri;
  
• 
  hayvonot dunyosi davlat kadastri;
  

• 
  qo‘riqlanadigan tabiiy hududlar davlat kadastri;
  
• 
  binolar va inshootlar davlat kadastri;
  

• 
  davlat shaharsozlik kadastri;
  
• 
  gidrotexnika inshootlari davlat kadastri;
  
• 
  madaniy meros obyektlari davlat kadastri;
  
• 
  avtomobil yo‘llari davlat kadastri;
  
• 
  temir yo‘llar davlat kadastri;
  
• 
  yetkazib berish quvurlari davlat kadastri;
  
• 
  aloqa obyektlari davlat kadastri;
  
• 
  energetika obyektlari davlat kadastri;
  
• 
  chiqindilarni ko‘mish va utilizatsiya qilish joylari davlat kadastri;
  
• 
  tabiiy xavf yuqori bo‘lgan zonalar davlat kadastri;
  
• 
  texnogen xavf yuqori bo‘lgan zonalar davlat kadastri;
  
• 
  kartografiya-geodeziya davlat kadastri.
  

Davlat kadastrlari yagona tizimiga qonun tomonidan belgilanadigan davlat boshqa kadastrlari ham kirishi mumkin.
Davlat kadastrlari yagona tizimi O‘zbekiston Respublikasi va uning alohida hududlarining tabiiy-iqtisodiy salohiyatini yagona umumdavlat jihatidan kompleks hisobga olishni va baholashni ta’minlash maqsadida yaratiladi va yuritiladi.
Davlat kadastrlari yagona tizimini yuritish O‘zbekiston Respublikasi Yer resurslari, geodeziya, kartografiya va davlat kadastri davlat qo‘mitasi (“Yergeodezkadastr” davlat qo‘mitasi) tomonidan amalga oshiriladi.
Davlat kadastrlari yagona tizimini yaratish va yuritish bilan bog‘liq munosabatlar mazkur Nizom, shuningdek boshqa normativ-huquqiy hujjatlar bilan tartibga solib boriladi.
Davlat kadastrlari yagona tizimi davlat hokimiyati va boshqaruvi organlarini, yuridik va jismoniy shaxslarni ularning faoliyati uchun zarur bo‘lgan barcha turdagi davlat kadastrlari axborotlari bilan tezkor ta’minlash uchun mo‘ljallangan.
Belgilangan tartibga muvofiq aniqlangan kadastrlar obyektlarining huquqiy maqomi to‘g‘risidagi ma’lumotlar, kartografiya-geodeziya materiallari, statistik hisobga olish ma’lumotlari, davlat kadastrlari ma’lumotlari Davlat kadastrlari yagona tizimining asosini tashkil etadi. Davlat kadastrlari yagona tizimi doirasida hududlarni kompleks baholash uchun zarur bo‘lgan boshqa ma’lumotlar ham jamlanadi.
Davlat kadastrlari yagona tizimida belgilangan chegaralarda har bir hisobga olingan yer yuzasi uchastkasi uchun uning jug‘rofiy holati, huquqiy maqomi, miqdor va sifat tavsiflari hamda tabiiy baholash, xo‘jaliklar va boshqa kadastrlar obyektlari to‘g‘risida hujjatlashtirilgan ma’lumotlar bo‘lishi kerak. Davlat kadastrlari yagona tizimida belgilangan chegaralarda har bir hisobga olingan yer yuzasi uchastkasi uchun uning jug‘rofiy holati, huquqiy maqomi, miqdor va sifat tavsiflari hamda tabiiy baholash, xo‘jaliklar va boshqa kadastrlar obyektlari to‘g‘risida hujjatlashtirilgan ma’lumotlar bo‘lishi kerak.