Ва ўрта махсус

1-топшириқ. Ўқинг, ажратиб кўрсатилган сўзларнинг лексик маъноларини айтинг, қўшимча маъноларини ҳам тушунтириб беринг.
Киприкларим қўнғирмикан ё қора?
Киприкларим юзтамикин ёки минг?
Киприкларим мунча азиз ва сара,
Кўзгинамнинг киприклари...
Қуюнларда қолганимда, чангга ўралганимда,
Оҳангарон тўзонидан занжи қоралганимда,
Ёки яхши тимсол излаб, чангдай таралганимда,
Ёки бир шеър армонида юз бир кўралганимда,
Ўзбекистон тонгларини бедор кутган кўзларим,
Тенгсиз тонглар фалсафасин ташна ютган кўзларим. (Миртемир)
2-топшириқ.Сўзларнинг ички маъновий фарқларини кластер методи асосида изоҳланг.
Бошқача, ўзгача, ажиб, ажойиб, ғалати, ғаройиб, аломат, антиқа;
Тузук, дуруст, бир нави, яхши, зўр, аъло, гап йўқ, михдек.





3-топшириқ. Берилган матндан метафораларни топиб таҳлил қилинг.
1.Тушларини сувга айтиб мажнунтоллар эгилса, Тўлинойнинг чашмасидан оқ хаёллар тўкилса…(О.Ҳожиева) 2.Сирли суҳбатлардан огоҳ ётоқда Сўнгги сирлашувлар кўнгилни ёзсин. Тақдир оппоқ толе улашар чоқда сенинг пешонанггга муҳрини боссин.(Ҳ.Худойбердиева) 3.Қўшиқ айтиб ўтар Қибрай қизлари Япроқлари зумрад тутзор оралаб. (О.Ҳожиева) 4.Яна бир муҳим нарса, у менигина эмас, укасини ҳам кулфатдан сақлаб қолди. Яхлаб, кесак қалб бўлиб қолишдан (А.Мухтор). 5.Бир тракторчи йигит нуқул тўйларни бузиб юраркан... Унга раҳбарининг ҳам, парткомнинг ҳам кучи етмас экан. Олдинги директорнинг ҳам (Ш.Холмирзаев) 6.Унинг ҳузурига ҳайрат билан кирган одам у ердан ҳасрат билан, шалвираб, тутдек тўкилиб чиқди. Синиб, пажмурда бўлиб, бошқа кимсага айланиб! (Э.Аъзам).
4-топшириқ. Бир ва кўп маъноли сўзларни икки гуруҳга ажратиб ёзинг.
Тил, дард, сайрамоқ, олмос, ром, қуш, от, кир, тумшуқ, чумчуқ, йўл, кўз, фойда, лексика, урғу, бел, ер, ота, аффикс, дахл, морфология, дам, қалин, гаранг, мазали, дум, тоғ, лақма, тариқ, япроқ, ўқ, қалин, тажанг, мол, фонетика, бош, ширин, чопмоқ, ғазал, том, турқ, тол, терак, тик, ўт, ошиқ, туш, аччиқ, жар, жаҳл, уйқу, чўкмоқ, қанот, без, тирноқ, гиёҳ, лақаб, пайпасламоқ.