Ва ўрта махсус

Бир маъноли сўзлар
Кўп маъноли сўзлар

5-топшириқ. Кўчма маъноли сўзларни аниқланг ва изоҳланг.
1. Аям меҳнаткаш, жафокаш хотин, - эътироз тариқида гапирди Йўлчи, ундай енгил, гувиллаган аёл эмас. (Ойбек) 2. Зеби (Зебиниса)нинг қиш ичи сиқилиб, занглаб чиққан кўнгли баҳорнинг илиқ ҳовури билан очила тушган. (Чўлпон) 3. Шу учун у Зебининг сўнг сўзларидаги оғир маъюсликни пайқай олмади. (Чўлпон) 4.Адабиёт этагим икки учини белимга айлантириб боғлайди. (Т.Мурод) 5.Кирган бўлса ўн тўққиз – йигирмаларга кирган. (С.Аҳмад) 6.Хонимчага ҳозир эшитгувчи қулоқ керак эди, шу боис Манзуранинг саволига жавоб бермагани андак ғашини келтирган бўлса-да, гапни давом эттирди. (Т.Малик) 7. Икки жуфт кўз бир-бирига тикилиб қолди. (Шухрат) 8.Татиб кўрмай ҳали ҳаёт заҳматин, мушфиқ оналикнинг бор машаққатин, Бўйнингга олдингми, эрка қизалоқ? (Э.Воҳидов)


6-топшириқ. Қуйидаги метафора усули билан кўчган исмларни давом эттиринг.
Намуна: Арслон, Зумрад, Олмос, Қўчқор....


7-топшириқ. Қуйидаги матндан маъноси кўчган сўзларни ажратиб, изоҳланг.
Инобат еттинчи келин бўлиб тушган эди. Кампир етти ўғил кўрган: еттовини ҳам ўқитиб, оёққа турғазган. Ўғиллари она измидан бир қадам чиқишмасди. Топган-тутганларини – она қўлига тутқазишарди. Лекин оила катта бўлса ҳам, тинч эди. Етти ўғил, етти келин бир қозондан овқат ейишар, биронта келин ўзича қозон осолмасди. Келинларининг ҳаммаси ишлашарди. Ҳар ойнинг ўн бешида ўғиллари, келинлари бирин-кетин келиб, маошларини унинг олдига қўйишади. Катта рўзғор бўлса-да, бозор-ўчар яхлит қилинар эди. Кампирнинг яна бир одати бор эди. У кечқурун келинлар, ўғиллар уй-уйларига кириб кетганларида ҳаммасининг уйи остонасида ғимирсиб юради. Қайси бирининг туфлиси йиртилган, ё таг чарми едирилган бўлса, йиғиб олади. Эртасига ишдан қайтгунча гузардаги устага бир халта қилиб опчиқиб, бутлаб олиб келарди. (С.Аҳмад)