Ва ўрта махсус

1-топшириқ. Берилган феълларни иштирок эттириб, расмий услубга хос гаплар тузинг.
Ратификация қилиш, қўллаб-қувватламоқ, рухсат бериш, эшитмоқ, қарор қилмоқ, тилхат бермоқ, маълумот бермоқ, билдирмоқ, тавсия қилмоқ, масъулият билан бажармоқ, фаол иштирок этмоқ, таклиф этмоқ, ҳурматли, тиламоқ, музокара юритмоқ, ташриф буюрмоқ, манфаатини кўзламоқ, тенг ҳуқуқлилик асосида, даъво қилмоқ, моддасига кўра, қонунга биноан, қарорга мувофиқ.
2-топшириқ. Электрон луғат ҳақидаги фикрларингизни “Елпиғич” технологияси асосида таҳлил қилинг.
Намуна:Аспект – Электрон луғатлар.
Афзаллик– саҳифалар мавжуд эмас, исталган йўналишда излаб топилади^, гипертекстехнологиясига асосланган, фойдаланувчига луғат мақолаларининг ихтиёрий қисмига тезкор мурожаат қилиш имконини беради, ҳар томонлама қулай.
Хусусият– луғат мақолаларининг ноанъанавий жиҳозланиш имконияти; турли лингвистик технологиялар мундарижасидан барчанинг фойдаланиш имконияти; долзарблилик, янгилик, тежамкорлик; турли типдаги луғатларнинг киритилиши; бир вақтнинг ўзида турли тилларга таржима қилиш қилиш имконияти; миқдор + фойдаланиш имконияти; луғат ҳажмининг кенглиги; луғат базасининг доимий янгиланиш имконияти; жой, вақт ва иқтисодий тежамкорлик.
Нуқсон– электр токисиз ишламайди, Internet тармоғи бўлмаса, имконият камаяди, Wi – Fi лозим.
Хулоса –демак, ҳар бир луғатнинг ўз ўрни мавжуд.
3-топшириқ. Матнни ўқинг ва қайси услубдалигини аниқланг.
2-модда. Ўзбек тилига давлат тили мақомининг берилиши республика ҳудудида яшовчи миллат ва элатларнинг ўз она тилини қўллашдан иборат конституциявий ҳуқуқларига монелик қилмайди.
7-модда. Давлат тили расмий амал қиладиган доираларда ўзбек адабий тилининг амалдаги илмий қоидалари ва меъёрларига риоя этилади. Давлат ўзбек тилининг бойитилиши ва такомиллаштирилишини таъминлайди.
15-модда. Ўзбекистон Республикасида яшовчи шахслар ўз миллатидан қатъи назар, ўз исмини, ота исми ва фамилиясини миллий-тарихий анъаналарга мувофиқ ёзиш ҳуқуқига эгадирлар.
22-модда. Республиканинг маъмурий-ҳудудий бирликлари, майдонлари, кўчалари ва географик объектларининг номлари давлат тилида акс эттирилади.