Va muvofiqlashtirish hududiy boshqarmasi navbahor tumani kasb-hunar maktabi "tasdiqlayman"

Dalani ishga tayyorlash. Plyonka ostiga chigit ekishda, awalo yerni tuproq yetilganda, yaxshilab tekislab, tuproqda yong'oq hajmicha kesak bo'lishiga mutlaqo yo'l qo'ymaslik kerak bo'ladi, aks holda kesaklar plyonkani teshib qo'yishi mumkin. Undan tashqari, tayyorlangan maydonda g'o'zapoya ildiz qoldiqlari, ajriq qolishi singari plyonkani teshadigan o'simliklar ildizlari ham qoldirilishi mumkin emas. Obdon tekislashda, chigit ekishga halal beruvchi toshlar, o'tlar, yillardan qolgan plyonka qoldiqlarini ham olib tashlash shart. Agar yer yetilmasdan texnika kiritilsa, tuproqning strukturasi buziladi, loy bo'lib, keyin bu xatoni to'g'rilab bo'lmaydi.

Ekishda SCHX-4A seyalkalaridan foydalaniladi, tukli chigitlarni qator uyalab ekishda ularning oralig'idagi masofani o'zgartirish disklarni almashtirish yo'li bilan amalga oshiriladi.

Qator oralari 60 sm qilib ekiladigan maydonlarda tukli chigitning maqbul ekish miqdori 60 kg/ga belgilanadi, tuksiz chigit plyonka ostiga qo'sh qatorli bo'lsa 90 kg/ga dan, yakka qatorlisida 50 kg/ga dan ekiladi. Qator oralarida 90 sm keng qatorlar ekish­da ekish me’yori 60 sm qilib ekilganga nisbatan 15—20% kamaytiriladi.
Ekish miqdorlari albatta' belgilangan tartibda ekilishi shart, chunki ekish me’yori oshirib yuborilsa yaganalash uchun qo'shimcha mehnat qilinishiga, me’- yoridan kam ekish esa nihollarni siyrak bo'lishiga, ba’zi hollarda qo'shimcha chigit ekilishiga sabab bo'ladi.