Va muvofiqlashtirish hududiy boshqarmasi navbahor tumani kasb-hunar maktabi "tasdiqlayman"

Makkajo'xori ekiplarini donga va silos uchun o'rib-yig'ib olishga qo'yilgan agrotexnik talablar. Makkajo'xori donga yig'ilganida donli so'talardan tashqari tanasi, barglari ham yig'iladi.


2.7.1-rasm. KSK.U—6 “Xersonets—200" makkajo'xori yig'ish kombaynining sxemasi: a—ishlash usuli; b—so'ta uzish apparati; d—yanchgich; 1—tumshuq; 2—so'ta uzish plastinkalari; 3—so'talar shnegi; 4—poyalarni uzatish biterlari; 5—kabina; 6—silos uzatish trubkasi; 7—bargli so'talar transportyori: 8—barg-poya tutqich; 9—so'talarni bargidan tozalash apparati; 10 va 13—so'talar transportyori; 11—arava; 12—tirkash qurilmasi; 14—maydalagich; 15—poyalar shnegi; 16—qirqish apparati; 17—jo'valar; 18—uzatish zanjirlari; 19 va 23—shnek; 20—yanchish apparati; 21—tozalagich; 22—g'alvir; 24—ventilator.

Pishib yetilgan makkajo'xori tanasining uzunligi 1,5—4 m so'tasi esa 1—3 dona bo'ladi. Makkajo'xori donlari so'ta yuzasida zich mustahkam joylashib, tashqarisida ko'p qatlamli po'stloq bilan qoplangan bo'ladi.

Past bo'yli makkajo'xori navlarida so'talar yerdan 25—45 sm dan, baland bo'yli navlarda esa 60 sm dan yuqorida joylashadi.

30 sm dan past joylashgan so'talarni yig'ish bir muncha qiyinchilik tug'diradi. Mashinalar bilan yig'ish uchun mustahkam poyali va barglari kichik, to'g'ri turuvchi so'tali, po'stloqlari juda ko‘p bo'lmagan tezda ajraladigan po'stloqli makkajo'xori navl^ri qulaydir.

Makkajo'xori donga so'talari bilan birga yoki bir yo'la donlarni so'talardan ajratib o'riladi. Birinchi usulda poya kesiladi, so'talar poyadan ajratilib poya may- dalanadi, so'talari po'stloqlaridan ajratish, quritish va donlarini so'tadan ajratish xirmonda bajariladi. Buning uchun KOP-1,4 “Xersones-7” makkajo'xori yig'ish kombayni, MKP-3,0 va MKP-12 molotilkalardan foydalaniladi. Makkajo'xori ikkinchi usul bilan yig'ilganida poya kesiladi, so'talaridan donlar ajratiladi va poya maydalaniladi. Bunday ishlar o'zgartirilgan don yig'ish kombaynlari bilan amalga oshiriladi. Tozalash ishlari va quritish ishlari xirmonda bajariladi.

Makkajo'xori o'rish so'ta yetilganidan keyin boshlanib, odatda, 10—15 kun davom etadi. Makkajo'xori donlarini bir yo'la so'tadan ajratib yig'ish usulini don­ning namligi 26—30 foizdan kam bo'lgandg qo'llanish tavsiya etiladi.

Makkajo'xori so'talaridan ajratilib yig'ilganida kombayndan keyin dalada yo'qotiladigan don miqdori 0,7 % dan, silosdagi miqdori 0,8 % dan, maydalanish miqdori 2,5 % dan oshmasligi kerak.