Va muvofiqlashtirish hududiy boshqarmasi navbahor tumani kasb-hunar maktabi "tasdiqlayman"

Qishloq xo‘jaligida ishlab chiqarish jarayonlari. Ekin yetishtirish va hosilni yig‘ib terib olish uchun ma’lum ishlar ketma-ket bajarilishi kerak. Dehqonchilikda bajariladigan ishlar, masalan: yer haydash, yerga ishlov berish, ekish, qator oralariga ishlov berish, yig‘ib terib olish va boshqalar asosiy, yordamchi va transport ishlaridan tashkil topgan bo‘ladi. Qishloq xo‘jaligida mehnat predmetlarini, masalan: terilmagan paxta, tozalanmagan urug‘ va boshqalarni oxirgi yoki oraliq mahsulotga aylantirib beradigan vaqt va ishni bajarish sharti bo‘-yicha bir-biri bilan o‘zaro bog‘langan ishlar yig‘indisiga ishlab chiqarish jarayoni deyiladi. U o‘z navbatida qo‘zg‘aluvchan va qo‘zg‘almas ishlab chiqarish jarayonlariga bo‘linadi. Qo‘zg‘aluvchan ishlab chiqarish jarayoni — bunda texnikaviy vositalar qo‘zg‘almas ishlov beriladigan materiallar maydoni, dala bo‘ylab harakatlanadi (masalan: ekin ekish, kultivatsiya qilish va boshqalar). Qo‘zg‘almas ishlab chiqarish jarayoni esa, qo‘zg‘almas qilib o‘rnatilgan texnika vositasiga materiallarni uzatish va ularga ishlov berilgandan so‘ng qabul qilib olish bilan (masalan: ko‘sakni dalada chuvish, paxtani sushilkada quritish va boshqalar) belgilanadi.