V bap. Shańaraqqa, jaslarǵa hám ádep-ikramlılıqqa qarsı jınayatlar Tayanısh sózler

V bap. Shańaraqqa, jaslarǵa hám ádep-ikramlılıqqa qarsı jınayatlar
Tayanısh sózler.
Materyallıq támiyinlewden bas tartıw; miynetke uqıpsız shaxslar; balanı almastırıp qoyıw; perzentlikke alıw sırın áshkar etiw; neke múnasibetleri haqqındaǵı nızam hújjetleri; er jetpegen shaxslardıń normal fizikalıq hám ruhıy rawajlanıwı; jámiyetke jat háreketler; zorlıq hám ayawsızlıqtı úgitlewshi ónimler; pornografiyalıq ónimler; materyallıq miyras obyektleri; qábirdi qorlaw.
Soraw-juwap.
1. JK 125-statyası 2-bólimine kóre awır aqıbetler degende neni túsiniw lazım?
Juwabı: awır aqıbetler degende, shańaraqtın buzılıwı,shaxs salamatlıǵına zıyan jetiwi, asrab alınǵan bala kewliniń buzılıwı túsiniledi.
2. JK 125-statyası kóre jınayat qanday jaǵdaylarda tamamlanǵan esaplanadı?
Juwabı: Perzentlikke alıw haqqındaǵı sırdıń bir adamǵa áshkar qılınǵan waqıttan baslap tamamlanǵan esaplanadı.
3. Neke jası haqqındaǵı nızam hújjetlerin buzıw juwapkershiliktiń zárúrli belgisi ne?
Juwabı: zárúrli belgisi bul neke jasına jetpegen shaxslardıń ıqtıyarıy neke qurıwı.
4. Kóp hayallı bolıwdıń jınayatınıń belgileri qanday?
Juwabı: ulıwma ruwızger júritiw tiykarında eki yaki onnan artıq hayal menen erli-zayıp bolıp jasaw.
5. Er jetpegen shaxstı jámiyetke jat háreketlerge tartıw degenimiz ne?
Juwabı: er jetpegen shaxstı málim bir háreketlerdi orınlawǵa kóndiriwge qaratılǵan háreketler túsiniledi. Yaǵnıy er jetpegen shaxstı spirtli ishimlikler ishiwge, narkotik ónimlerin qabıllawǵa, jınayat islewge tartıw sanaladı.
6. Qılmıstı JK 131-statyası (qospashılıq qılıw yaki ziynexana saqlaw) menen kvalifikaciyalawdıń zárúrli belgisi nede?
Juwabı: zárúrli belgisi bul onıń motivi. Qılmıs motıvı dámegoylik hám basqa da pás niyetler.
7. Insan aǵzaları yaki toqımaların ajratıp alıw jınayatınıń belgileri qanday?
Juwabı: Shaxs tiriliginde onıń razılıǵısız yki ólgennen keyinjaqın tuwısqanlarınıń razılıǵısız, ilimiy yaki tálim isleri ushın kóshirip ótkiziw yamasa buzılmaytuúın halda saqlaw esaplanadı.
8. Qábirdi qorlaw degenimiz ne?
Juwabı: Qábirdi qorlaw bul onıń qazıp taslanıwı, qábir ústindegi taslar, estelikler, pánjerelerdiń, onda ósip turǵan gúllerdiń wayran etiliwi, qábir taslarǵa biyádep sózlerdiń jazılıwı hám taǵı basqalardı túsiniw lazım.
9. Er jetpegen shaxstı málim bir jınayattı islewge tartqan shaxstıń qılmısı qanday kvalifikaciya qılınadı?
Juwabı: islengen jınayattıń tiyisli statyası menen jánede JK 127-statyası 3-bólimi menen kvalifikaciyalanadı.
10. Ayıpkerdi JK 128-statyası menen juwapkershilikke tartıwdıń zárúrli sharti nede?
Juwabı: jábirleniwshiniń on altı jasqa tolmaǵanlıǵı subyektke aldınnan málim bolǵanlıǵı.
Test
1.Ata-ananıń huqıqları, olardıń perzentti tárbiyalaw menen baylanıslı huqıqların támiyinlew menen baylanıslı jámiyetlik múnasibetler tómendegi qaysı jınayattıń obyekti esaplAnadı?
A) balanı almastırıp qoyıw B)perzentlikke alıw sırın áshkar etiw
S) ata-ananı materyallıq támiyinlewden bas tartıw
D) Er jetpegen shaxstı jámiyetke jat háreketlerge tartıw
2.