V. A. Kosteckiy MÁmleket hám huqíq tiykarlarí

AVTORLÍQ SHÁRTNAMASÍ
Avtor  shıǵarmasın  juwmaqlaǵannan  soń,  onı  keń  jámiyetshilikke 
tanıstırıwǵa  qarar  etedi  hám  onı  baspadan  shıǵarıw  minnetlemesin  ózi- 
niń juwapkershiligine alatuǵın kárxana menen shártnama dúzedi.
Avtorlıq  shártnaması  shártlerinde  basıwǵa  beriletuǵın  anıq  huqıqlar, 
shártnamanıń  ámel  etiw  múddeti  hám  tólenetuǵın  haqı  (qálem  haqı) 
muǵdarı  kórsetiledi.  Bul  shártlerden  tısqarı,  avtor  hám  baspa  zárúr  dep 
esaplaǵan basqa shártlerdi de kirgiziwi múmkin.
Avtorlıq  shártnaması  —  tayar  shıǵarma  yaki  avtor 
belgilengen  múddette  jaratıwdı  óz  juwapkershiligine  alǵan 
shıǵarmadan  paydalanıw  ushın  avtor  (avtorlaslar)  hám 
baspa ortasındaǵı dúzilgen shártnama.
AVTORLÍQ HUQÍQLARÍNÍŃ XALÍQ ARALÍQ QORǴALÍWÍ
Ózbekistan Respublikasında intellektual múlk tarawındaǵı qatnasıqlar 
xalıq  aralıq  huqıq  normalarına  tiykarlanǵan  halda  hám  de  tómendegi 
hújjetlerden kelip shıǵıp tártipke salınadı:
 
— Ádebiy  hám  kórkem  shıǵarmalardı  qorǵaw  haqqındaǵı  Bern 
Konvenciyası pitimleri (24.07.1971-jıl);
 
— Avtorlıq  huqıqı  haqqındaǵı  Xalıq  aralıq  konvenciya  pitimleri 
(1952);
 
— ǴMDA  sheńberinde  dúzilgen  avtorlıq  hám  túrles  huqıqlardı 
qorǵaw haqqındaǵı pitimler (10.02.1995-jıl).

---