Узлуксиз таълим тизимида малакали кадрлар тайёрлаш муаммолари

 

---

Innovatsion yondashuvlar asosida milliy ta’lim tizimini takomillashtirish

2021-yil
 
23-aprel 
161 
TA’LIM JARAYONIDA INNOVATSION METODLARDAN
FOYDALANISH SAMARADORLIGI 
Sultonova Zulxumor Sadiridinovna - Navbahor tuman 15-umumiy o‘rta ta’lim maktabi 
o‘qituvchisi 
Annotatsiya: 
Maqolada bugungi kunda ta’lim – tarbiya tizimida o‘qituvchi – pedagogning 
dars jarayonidagi innovatsion yondashuvi hamda uning dars samaradorligiga ta’siri 
yoritilgan 
Аннотация:
В статье описывается инновационный подход учителя в системе 
образования сегодня и его влияние на эффективность урока. 
Annotation:
The article describes the innovative approach of the teacher in the educational system 
today and its impact on the effectiveness of the lesson.
O‘zbekiston Respublikasi ijtimoiy hayotida yangicha qarashlar qaror topayotgan bir 
sharoitda yosh avlod ta’lim – tarbiyasini tashkil etish, boshqarish, barkamol shaxs va 
malakali mutaxassisni tarbiyalash masalasi yanada dolzarblik kasb etmoqda. Bu vazifa o‘z 
navbatida innovatsion texnologiyalardan foydalanishni taqazo etadi. Bunda bosh masala 
pedagogika nazariyasi va amaliyotining barcha omillari bilan ta’lim – tarbiya jarayonini 
jadallashtirish, professor – o‘qituvchilar mehnati samaradorligini oshirish, o‘quvchining 
ijodiy qobiliyatlarini rivojlantirish, ularda ilmiy asoslangan bilim, kasbiy mehnatga barqaror 
qiziqish va ehtiyojni shakllantirish kabilardan iborat. 
“Innovatsiya” tushunchasi ta’lim – tarbiya tizimiga yangilik kiritish ma’nosini 
anglatadi. Bunda kiritilgan yangilik albatta uning sifat va samaradorligiga ijobiy ta’sir 
ko‘rsatishi ko‘zda tutiladi. 
Innovatsiyalarni faqat yangi vositalar ishlab chiqish bilan tenglashtirish mumkin emas. 
Innovatsiyalar – bu pedagogik tizimni takomillashtirishga oid g‘oyalar, jarayonlar, vositalar 
va natijalarning yaxlitligidir. Demak, innovatsion ta’lim texnologiyalari uzluksiz ta’lim 
tizimida yuqori samaradorlik va sifatni ta’minlovchi muhim omillardan biri hisoblanadi. 
Ta’lim – tarbiya jarayonini qiziqarli va samarali o‘tkazish uchun ilg‘or pedagogik 
texnologiyalardan foydalanilmoqda. Maqsad – samarali dars o‘tish. Darsni samarali tashkil 
qilish quyidagi jihatlarga bog‘liq: 
-
darsni to‘g‘ri rejalashtirish; 
-
o‘quvchilar qiziqishini orttirish; 
-
fanlararo bog‘liklik; 
-
barcha o‘quvchilarning faolligi; 
-
usullar rang – barangligi; 
-
hayotiy ko‘nikmalarni shakllantirish; 
-
bolaga do‘stona muhit; 
-
darsning natijali bo‘lishi. 
Darsni to‘g‘ri rejalashtirish – bu darsning bosqichlarini tahminan to‘g‘ri 
taqsimlanganligi, darsga qo‘yilgan maqsadlarning asoslangan bo‘lishligi bilan belgilanadi. 
O‘quvchilar qiziqishi darsga motivatsiyani yuzaga keltira olgan bo‘lishi. 
Fanlararo bog‘liqlikda – barcha fanlarning o‘zaro integratsiyasini ko‘rsata olishi va 
o‘quvchilar tomonidan anglanishi. 
Barcha o‘quvchilarning faolligini oshirish uchun butun sinf bilan bir vaqtning o‘zida 
ishlanishi, ya’ni faol o‘quvchilar bilan past o‘zlashtiruvchi, passiv, kamgap, tortinchoq 
o‘quvchilarning jalb etilishi. 
Usullar rang – barangligini o‘qituvchining bir ish turidan ikkinchi ish turiga o‘zgartirib 
borishi, turli metodlarni maqsadli qo‘llay bilishida namoyon bo‘ladi. 

---