Узбекистон Республикаси Ташки Ишлар Вазирлиги

actio negatoria
ёрдамида ҳимоя қилинган.
Бонитар мулк.
Классик ҳуқуқ бўйича res mancipi ашёларини квирит
мулкини қўлга киритишнинг эскириб қолган усуллари хўжалик 
муносабатларининг ривожланишига тўсқинлик қила бошлаганида, кўпгина 
мулкдорлар res mancipi мулкини қарама-қарши тарафнинг ростгўйлигига 
ишонган ҳолда белгиланган расмиятчиликларга амал қилмасдан қўлга 
кирита бошлашди. Бундай ҳолларда квирит мулки ҳуқуқи вужудга келмас 
эди. Res mancipi ашёлари ҳақида гап борганда, оддий бериш йўли билан 
мулкни қўлга киритганлар оддий ашёни ушлаб турувчилар ёки оддий мулк 
эгалари ҳисобланган. Квирит мулки ҳуқуқини улар мулкка эгалик қилиб 
туриш муддати ўтгандан кейин қўлга киритганлар (кўчар мулк учун – 1 йил, 
кўчмас мулк учун – 2 йил). Квирит мулки ҳуқуқи кўрсатилган муддат 
ўтгандан кейин аввалги мулкдорга тегишли бўлиб қолиши сабабли, мулкни
кейинчалик қўлга киритган шахс ашё эгаси сифатида мулкни ушлаб туриш 
учун ва йўқолган ашёни қайтаришни талаб қилиш учун етарли ҳуқуқий 
воситаларга эга эмаслиги туфайли мулкдорнинг rei vindicatioга қаршилик 
кўрсата олмасди. Бундай адолатга зид бўлган ҳолатларнинг олдини олиш 
мақсадида преторлар res mancipi мулкини қўлга киритувчилар учун 
норасмий усул воситасида бериш йўли билан 2 ҳуқуқий ҳимоя воситасини 
киритдилар.
Exeptio rei venditae ac traditae
– ашёни қўлга киритувчига 
квирит мулкдорнинг rei vindicatio – ашёни қайтариш тўғрисидаги даъвосига
қарши низоли мулкни бериш ва сотиш тўғрисидаги эътирози бўлиб, бунинг 
асосида квирит мулкдорнинг даъвоси рад этилган. Қайд этилган эътироз – 
exeptio бериб юборилган ва сотилган ашёга эгалик қилаётган шахс 
томонидан билдирилган. Берилган ёки сотиб юборилган ашёга эгалик 
ҳуқуқини йўқотган шахсларни ҳимоя қилиш мақсадида преторлар 
actio
Publiciana
деб аталган даъво киритган. Actio Publicianaни оддий бериб 
юбориш res mancipi ашёсини қўлга киритган шахслар ўз эгалик ҳуқуқини
йўқотганда улардан бу ашёни тортиб олган шахсга ҳам, ашёга ўша пайтда
эгалик қилиб турган шахсга нисбатан ҳам қўллашлари мумкин бўлган. 
Квирит мулкдорнинг rei vindicatioга қарши ҳимоя чораси сифатида 
actio Publicianaни ва ашёга ҳар қандай эгалик қилиб турган шахсга нисбатан
эгалик ҳуқуқини ўрнатиш учун