Узбекистон Республикаси Ташки Ишлар Вазирлиги

legis actio sacramento
, Гайнинг таърифи бўйича, қасам ичиш билан 
қўзғатиладиган даъво бўлиб, бу даъво претор ҳузурида қўзғатилган. Бу даъво 
декларатор характерга эга бўлиб, келиб чиқиш асосига кўра 2 турга, яъни: 
legis actio sacramento in rem
ва
legis actio sacramento in personamга
бўлинган. 
Legis actio sacramento in rem
мулкий ҳуқуқларни ҳимоя қилиш 
учун қўзғатиладиган даъво бўлиб, суд мажлисида иш кўрилаётган пайтда 
кўчар мулк бўлса, – унинг ўзи, кўчмас мулк бўлса, – унинг бирон-бир рамзи 
келтирилган. Даъво эълон қилиниши – 
vindicatio
пайтида низолашаётган 
томонлар низо предметига узун темирни тегизиб, ҳар бир тараф низонинг 
асоси бўлган буюмни квиритлар ҳуқуқи бўйича ўзига тегишли эканлигини 
ва низо асосини – 
causa
ни баён этган. Бундан ташқари, тарафлар ўз 
даъволарини бир қатор ҳаракатлар билан амалга оширганлар. Сўнг томонлар 
ишнинг тўғри ҳал қилиниши учун гаров берганлар. Суд жараёнининг 2-
босқичида судья тарафларнинг келтирган қасамёди қонунга тўғри келишини 
эълон қилган. Бунинг учун судья суд мажлисига келтирилган фактларни 
текшириб, уларнинг ҳақиқийлигини исботлаган. Суд ишини ютқазган тараф 
берган гаров давлат фойдасига ўтказилган. 
Legis actio sacramento in 
personam
эса мажбуриятлар бажарилмаслиги оқибатида келиб чиқадиган 
легисакция ҳисобланиб, бунда асосан мажбуриятни ўз зиммасига олган шахс 
иш бўйича жавобгар бўлган.
Legisactio per judicis postulationem
стипуляция ва бошқа вербал 
шартномалар бўйича мажбуриятлар ҳимояси, шунингдек, мулкни бўлиш 
мақсадида қўзғатилган даъволар ҳисобланиб, уларда гаров олинмаган.
Legisactio per condictionem 
муайян пул суммаси ёки муайян буюм 
билан боғлиқ бўлган. Бу даъво 
legisactio sacramento
ва