Узбекистон Республикаси Ташки Ишлар Вазирлиги

possessores
(эгалик қилиб турувчилар ёки ушлаб турувчилар) деб 
аталган. 
Possessio
ашё устидан жисмоний ёки моддий ҳокимиятни англатган. 
Бундай ҳокимиятга айни вақтда ашёдан фойдаланаётган ёки истеъмол 
қилаётган шахс эга бўлган. Эгалик мулк ҳуқуқидан тубдан фарқ қилган. 
Мулкдор ҳуқуқ тизимида белгиланган усул билан ашё устидан олий 
ҳуқуқий ҳокимиятга эга шахс, эгалик қилувчи – possessor эса, қўлга киритиш 
усулидан қатъий назар, ашёни ўз қўлида сақлаб турган ҳар қандай шахс
деб танилган. Эгалик қилувчи деб, ўзига тегишли мулкка бевосита эгалик 
қилиб турган мулкдор, мулкдордан шу мулкни вақтинча ёки доимий олган
бошқа шахс, мулкни гарчи унга тегишли бўлмаса ҳам ўзиники ҳисоблаб
ушлаб турган шахс, ўзига тегишли эмаслигини билган ва ноқонуний 
равишда ушлаб турган шахсга айтилган. Буларнинг барчасида ашё устидан 
жисмоний ёки моддий ҳокимлик, яъни эгалик мавжуд бўлган. Мулк 
ҳуқуқига асосан мулкка эгалик ҳуқуқини амалга ошираётган мулкдордан 
ташқари, қолган бошқа эгалик қилувчилар ашёга мулкдор билан тузилган
бирон-бир ҳуқуқий шартнома асосида, ёки сохта битим асосида ёхуд ашёга 
эгалик қилишни оқламайдиган бирон-бир ҳуқуқбузилиши асосида эгалик 
қилишган. Алоҳида эгалик қилиб турувчи шахслар ўртасида қайд этилган 
тафовутларга кўра, Рим ҳуқуқида, эгаликнинг бир неча тури мавжуд бўлган: 
а) Ашёга эгаликни мулкдор билан келишилган битимга асослаган
шахслар ашёга жисмоний ҳокимлик қилган ҳолда ашёнинг 
corpus
, яъни
жисмига эгалик қилишган. Улар мулкка тўла ҳуқуқий эга бўлмаганини 
англаб етган ҳолда, ўзганинг номидан ва ўз хоҳишига кўра эгаликни 
амалга оширганлар. Бундай эгалик қилувчилар табиий эга ёки 
detentores
деб аталган; уларнинг эгалиги
possessio naturales 
ёки табиий ҳокимлик 
(detentio) деб тан олинган. 
Мулкка эгаликни ўша мулкнинг қонуний эгаси билан келишилмаган
бошқа асос ёки ҳуқуққа зид бўлган ҳаракатлар асосида амалга ошираётган 
бошқа шахслар ҳам ашё жисми (corpus)га жисмоний эгалик қилганлар. 
Бундан ташқари, бундай эгалик қилувчилар эгаликка бўлган хоҳиш-иродага 
эга бўлганлар: