Узбекистон республикаси олий ва ҳрта махсус таълим вазирлиги

Бино ва иншоотларнинг шикастланишга моил бўлган жойлари.
Бино ва иншоотлар конструктив элементларида емирилиш даражасининг жадаллашувида гидроизоляция муҳим ўрин тутади. Ўзининг вазифасига кўра гидроизоляция антифильтрация ва коррозияга қарши ҳимоя вазифасини ўтайди.
Антифильтрация ҳимоя вазифаси:

• 
  ер усти ва чуқурда жойлашган иншоотларнинг ертўла қисмига сизот сувларининг тушишидан ҳимоялайди;
  
• 
  сувларнинг, мазут ва турли ёнилғи маҳсулотларининг басеейнлардан, резервуар ва бошқа иншоотлардан тушишидан сақлайди.
  

Коррозияга қарши ҳимоя вазифаси:

• 
  бино ва иншоотларни, уларнинг конструктив элементларини кимёвий агрессив сувлардан ҳимоялаш;
  
• 
  бино ва иншоотларнинг конструктив элементларини кимёвий агрессив сувлар ва атмосферанинг биргаликдаги таъсиридан ҳимоялаш;
  
• 
  адашган токлардан ҳосил бўлувчи электрокимёвий коррозиядан ҳимоялаш.
  

Қуйидаги 3.6, 3.7 ва 3.8-расмларда ер остки иншоотларининг конструкцияларида шикастланишга кўпроқ моил бўлган жойлари кўрсатилган.

3.6-расм. Кўмилган аркали иншоотларда шикастланишга моил жойлар:
1-бирикув тугуни; 2-ярим арканинг кўндаланг девор билан бирлашуви; 3- ярим аркаларнинг бирикув жойи; 4-таянч қисми; 5-пол; 6-замин деформацияси; 7-дренаж тизимининг бузилиш.

Тадқиқотлар шуни кўрсатадики [15], бино ва иншоотларнинг кўпроқ шикастланишга моил жойлари аниқланиб, бунга қуйидаги сабабларни келтириш мумкин: пойдевор ва деворларнинг деформацияланиши натижасида гидроизоляциянинг бузилиши, гидроизоляция материалларининг эскириши, гидроизоляциянинг йўқлиги ёки нотўғри бажарилиши, цокол қисмининг қопламасини тўкилиб тушиши ёки совуқбардош материалларнинг ишлатилмаганлиги, қурилиш майдонида сизот сувлари сатҳининг ортиши, бино периметри бўйлаб бажарилган горизонтал гидроизоляция белгисидан баланд қилиб тупроқ билан кўмиш, эксплуатация жараёнида гидроизоляциянинг механик шикасталиниши ва ҳ.к.