Узбекистон Республикаси кишлок ва сув хужалик вазирлиги

UMUMIY XULOSALAR
1.Transport vositalarida qo‘llanilayotgan karbyuratorli va dizelli dvigatellarning ta’minlash tizimlari ularning tuzilishi, ishlash uslublari, yoqilg‘i turi va xossalari ularning xususiyatlari xaqida ma’lumotlar keltirilgan bo‘lib, dizel dvigatellarining karbyuratorlarga nisbatan afzalliklari yuqori quvvatga va yonilg‘i tejamkorligiga egaligi keltirilgan.
2.“Dizel va karbyuratorli dvigatellarni asosiy ko‘rsatkichlarini taxlil etish” mavzusi asosida ilmiy izlanishlar olib borilgan bunda avvalambor Dizelli va karbyuratorli dvigatellarini yonilg‘i bilan ta’minlash tizimi bo‘yicha to‘liq ma’lumotlarga ega bo‘lingan va ularning afzalliklari taxlil qilingan. Buning uchun DAMAS avtomobili dvigateli misolida uni benzin hamda dizel yonilg‘ilaridan foydalangandagi issiqlik xisoblari jarayonlar bo‘yicha xisoblab chiqilgan va taxliliy xulosa qilingan.
3.Taklif qilinayotgan dizel yonilg‘isiga o‘tkazish usulini DAMAS avtomobili dvigatelida qo‘llanish natijasida avtomobilning texnik-iqtisodiy ko‘rsatkichlarini ancha yaxshilashga, dvigatelning ishlatish sharoitiga moslashishi yanada ortishiga erishilgan. Issiqlik hisobini bajarishda xaqiqatga juda yaqin bo‘lgan ko‘rsatkichlar va koeffitsiyentlardan foydalanilganligi sababli, olingan natijalar real sharoitga juda mos kelishi, lekin ular eng avvalo tajribada o‘z tasdig‘ini topishi kerakligi aniqlangan.
4.DAMAS avtomobili dvigatelini bir yo‘la benzinda va dizel yonilg‘isida ishlatish unda ko‘p yonilg‘ilik usulini qo‘llashga imkon yaratadi, natijada dizel yonilg‘isi gaz bo‘lmagan taqdirda benzinda aks holda dizel yonilg‘isida ishlashi mumkinligi taxlil etilgan.
Ilmiy yangiligi. Ma’lumki dizel dvigatellari karbyuratorli dvigatellarga nisbatan baquvvat, siqish darajasi yuqori bo‘lgan dvigatellar xisoblanadi. Biroq bu turdagi dvigatellar faqat yuk avtomobillarida va traktorlarda qo‘llaniladi. Hozirda Respublikamiz mashinasozligida foydalanib kelinayotgan karbyuratorli avtomobillarni dizel yonilg‘isidan foydalanib ishlatish qo‘llanilmagan.