Узбекистон алока ва ахборотлаштириш агентлиги

4.8.Қабул қилгич ЮЧ тракти кучайтириш каскадларнииг сонини асослаш

Қабул қилгичнинг ЮЧ тракти кучайтиргичлари берилган сезгирликни таъминлаш учун қанчалик керак бўлса, шунча бўлиши керак.Детекторгача бўлган барча каскадларнинг кучайтириш коэффициенти қуйидагига тенг бўлиши керак.

К_ум=А U_кир.д /(E_А h_д )

бу ерда А-захира коэффициенти;

U_кир.д - детектор киришидаги кучланиш; детекторларда характеристикасининг ночизиқлиги учун U_кир.д≥0,5...1 В бўлганда, бузилишлар мавжуд бўлмайди;
h_д - антеннанинг таъсир этувчи узунлиги; агар сезгирлик E_А вольтларда берилган бўлса, h_д=1 ҳисоблаш керак.
ЮЧ трактида бу кучайтириш коэффициенти детекторгача бўлган барча каскадларнинг кучайтириши коэффициентларини ўзаро кучайтириши орқали олинади, яъни


К_ум= К_кз К_рчк К_ар…. К_очк1 ….. К_{очк.охир}

Каскадларнинг кучайтириш коэффициентлари таҳминан қуйидагича олинади.

К_кз- кириш занжирининг узатиш коэфиценти. Биполяр транзистордаги қабул қилгичларда К_кз <1 тахминан К_кз = 0,1 деб олиниши мумкин. Майдоний транзисторлардаги қабул қилгичларда К_кз=2…5 бўлади.
К_рчк- преселектордаги барча РЧК ларнинг кучайтириш коэффициенти .Агар РЧК бўлмаса, унда К_рчк= 1 бўлади. Битта РЧК каскадининг кучайтириш коэффициенти К_0.бар барқарор кучайтириш коэффициентидан ортиб кетмаслиги керак. Тахминан қуйидагича ҳисоблаш мумкин.


К_0.бар = (4.13)

бу ерда =0.1…..0.2;

Y21, Y12 – транзисторнинг максимал частотадаги параметрлари.


К_очк.i- i-нчи ОЧК нинг кучайтириш коэффициенти, у юклама турига кучли боғлиқ бўлади.Лекин у барқарор кучайтириш коэффициентидан ортиб кетмайди. Шунинг учун ОЧК нинг кучайтириш коэффициентини (4.13) ифода бўйича Y параметрларнинг оралиқ частотадаги қийматларини қўйиб аниқлаш керак бўлади. Юкламасида кенг поласали контури турган ОЧК барқарор кучайтириш коэффициентига яқин кучайтириш коэффициентига эга бўлади. Икки контурли ОЧК камроқ кучайтириш коэффициентини беради.Резисторли юкламали ОЧК одатда 5...12 дан катта бўлмаган кучайтириш коэффициентига эга бўлади.
К_ар - аралаштиргичнинг кучайтириш коэффициенти, у фильтрнинг, унинг юкламасига узатиш коэффициентига кучли боғлиқ бўлади. Дастлабки ҳисоблашда К_ар≤0.5 К_очк.кп олиш мумкин, бу ерда К_очк.кп - кенг полосали ОЧК ни кучайтириш коэффициенти
К_{очк.охир} - охирги ОЧК нинг кучайтириш коэффициенти майдоний транзисторлардаги каскадларда К_{очк.охир}= К_очк.кп олиш мумкин.
Биполяр транзисторлардаги ЧМ сигналлар қабул қилгичларида охирги каскад частотавий детекторни етакловчи каскади ҳисобланади, у етарлича катта кучайтириш коэффициентига эга бўлади. Тахминан К_{очк.охир} = 40…50 ҳисоблаш мумкин.
Биполяр транзистордаги АМ сигналлар кабуллагичларида транзисторнинг I_k=(U_бэ) ўтиш характеристикаси тежамли режимда (ишчи нуқта кичикроқ бўлганида) кичик ночизиқли бузилишларини таъминлайдиган қисқа квадратик оралиққа эга бўлади. Агар кириш кучланишининг амлитудаси жуда катта бўлса ва бу чегарасидан чиқса у ҳолда сигнал кучли ночизиқли бузилишларга эга бўлади. Шунинг учун охирги каскад киришдаги кучланиш U_рух руҳсат этиладиган қийматдан ортиб кетмаслиги керак. Y параметрлари [1] да келтирилган транзисторлар учун охирги ОЧК кучайтириш коэффициентини (4.14) ифода бўйича ҳисоблаш мумкин. Унда 25 коэффициент 1/В ўлчовга эга ва эмиттер токи ишчи нуқтада квадратик оралиқнинг ўртасига мос келадиган 1 мА га тенг бўлишини ҳисобга олади.


К_{охир.очк}= U_кир.д /U_рух ≥25 U_кир.д (4.14)

бу ерда К_г.рух – руҳсат этиладиган гармоникалар коэффициенти;

К_г.рух=2…5 %;
m - модуляциянинг максимал чуқурлиги, m=80…90%.

(4.14) ифодадан аниқланадиган охирги каскад кучайтирш коэффициенти барқарор кучайтириш коэффициентидан катта бўлади. Бундай кучайтиришда каскад барқарор ишлаши учун охирги ОЧК нинг охиридан олдинги ОЧК билан алоқасини кучсизлантириш керак бўлади.Шунинг учун охиридан олдинги ОЧК барқарор кучайтириш коэффициентидан етарлича кичик кучайтириш коэффициентига эга бўлади.

Масалан,биполяр транрзистордаги АМ сигналлар қабуллагичида умумий кучайтириш коэффициенти К_ум=4∙10⁵ га тенг бўлиши керак бўлсин. Ҳисоблашлар бўйича РЧК учун К_0.бар=8,37, ОЧК учун К_0.бар=42,78, К_{охир.очк}=107,2 олинган бўлса, у холда К_кз=0,1, К_рчк=8, К_ар=20, К_очк1=40, К_{очк.охир}=110 қийматларни қабул қилиш мумкин.
Бу каскадлар биргаликда қуйидаги кучайтиришни беради:


К₀=0.1 ^. 8^. 20 ^. 40 ^. 110= 70 400.

Керакли кучайтиришни олиш учун К₀=5,7 кучайтириш коэффициентини яна бир каскад керак бўлади.Бундай кучайтиришни охирги ОЧК дан олдин турадиган иккинчи ОЧК бериши мумкин.Унинг юкламасини резисторли қилиш мумкин.

ЮЧ тракти кучайтириш каскадларининг сонини асослашда ҳисобларни қўполлигини (грубий) назарда тутиш керак. Каскадларни электр ҳисоблашларда олинадиган реал кучайтириш коэффициентлари бу бўлимда олинган қийматлардан сезиларли фарқ қилиш мумкин. Шунинг учун электр ҳисоблашларни ўтказишда трактни тузилган схемасига ўзгартиришлар киритиши керак бўлади. Агар дастлабки ҳисоблашдан реал кучайтириши коэффициенти кичик бўлса, кучайтиришни каскадларини қўшиш, катта бўлса эса ортиқча кучайтириши коэффициентини олиб ташлаш керак бўлади.