Uyg'oning, bahor keldi Tog'larda ochilsa qizil lolalar

Uyg'oning , bahor keldi

Tog'larda ochilsa qizil lolalar

Ko'tarsa bosh maysalar ildam
Qurt-qumursqalar qimirlab qolsalar
Ariqlarda oqsa suvlar shildirab
Uyg'oning, bahor keldi, bahor keldi.

Chamanzor bo'ldi bog'u-rog'lar

Qizlar sochida tolbargaklar
Uchirishib bolalar shodon varraklar
Osmonda ko'rinsa serjilo kamalak,
Uyg'oning, bahor keldi, bahor keldi.

Ko'kda uchsa turnalar qator

Qaldirg'ochlar chug'urlab qolsa
Quyosh sochib zarrin nurini
Bobodehqon dalaga shoshsa
Uyg'oning, bahor keldi, bahor keldi.


11-A sinf o`quvchisi Adxamjonova Durdonaxon