Ўқувчиларда таянч компетенцияларни шакллантиришга йўналтирилган таълим технологиялари

Ўқувчи шахсини ривожлантиришга йуналтирилган таълим.
Ижтимоий муносабатларга киришувчи ва ижтимоий тараққиётда фаол иштирок этувчиодамни Шахс деб аталади. Индивид сифатида дунёга келган одам кейинчалик шахсгаайланади. Индивид тушунчасида кишининг насл-насаби мужассамлашгандир.
Шахснинг Шахс бўлиши учун у фаолликка ҳам эга бўлиши керак. Чунки фаолиятдагифаоллик шахснинг муҳим белгисидир. Фаоллик ҳамиша яхши яшашга йўналтирилганбўлади. Киши яхши яшаши учун, жамиятни ривожлантириш учун атайлаб фаолликкўрсатади. Бу шахснинг онглилик белгисидир.Шахснинг ҳарактерли белгиларидан бири индивидуалликдир.
Индивидуаллик кишининг ҳарактери, темпераменти, психик кечинмаларининг ўзига хос хусусиятлари, хиссиёти ва фаолиятининг мотивларида кўринади. Ана шунга кўра кишилар бир-бирларидан фарққиладилар. Индивидуаллик кишининг ўзига хослиги, унинг бошқа одамлардан фарқини акс эттирувчи психологик фазилатлар бирикмасидир.
Дунёда канча одамбўлса, шунча индивидуаллик мавжуддир. Ҳеч ким бир-бирининг ўрнини боса олмайди. «Ўнта бўлса, ўрни бошқа» мақоли индивидуалликка ҳам нисбатан айтилгандир.
Педагог олимлар ўқитувчи томонидан шахсга йуналтирилган таълимнинг амалга оширилишида қуйидагиларни инобатга олишни тавсия қиладилар:

1. 
   Ҳар бир ўқувчига буюк шахсдек қараш, уни ҳурмат қилиш, уни тушуниш, қабулқилиш, унга ишониш.
   
2. 
   Таълимнинг шундай мухитини яратиш керакки, унда ўқувчи ўзини шахс деб сезсин, унга бўлган эътиборни туйсин.
   
3. 
   Тайзиқ ўтказмаслик ҳамда унинг камчилигини бўрттирмаслик; билимларни ўзлаштирмаслик, ўзини ёмон тутиши сабабларини аниқлаш ва уларни ўқувчининг шахсиятига зарар етказмайдиган тарзда бартараф этиш.
   
4. 
   Таълимда "муваффақият муҳитини" ташкил этиш, ўқувчига ўқишда муваффақият қозонишига ёрдам бериш, унинг ўз кучи ва иқтидорига ишончини орттириш.
   
5. 
   Ўқувчига атрофдагиларнинг ҳар бири ўзи каби шахс эканлигини англатиш, унда жамоага алоқадорлик ҳиссини ривожлантириш.