Ўқувчиларда таянч компетенцияларни шакллантиришга йўналтирилган таълим технологиялари

Ўқувчиларда таянч компетенцияларни шакллантиришга йўналтирилган таълим технологиялари
Ўқувчиларда таянч компетенцияларни шакллантириш учун таълим технологияларини танлашда ўқув фани ўқитувчиси тақвим мавзу режада мазкур синф учун белгиланган таянч компетенцияларни белгилаб олади. Шундан сўнг, ўрганилиши зарур бўлган мавзу ва шакллантириладиган компетенцияларни ҳисобга олган ҳолда дарсни ўтиш методи, усули ва таълим технологиялари танланади.
Метод - юнонча («бирор мақсадга етиш учун йўл») сўздан олинган бўлиб, “йўл, фаолиятни тартибга солиш” маъноларини англатади. Таълим методи ўқув жараёнининг асосий воситаси ҳисобланади.
Метод - таълим жараёнида такдим этилган назарий ва амалий билимларни эгаллаш, ўзлаштириш,ўргатиш, ўрганиш, билиш учун хизмат қиладиган йўл- йўриқлар, усуллар мажмуи. Усул -ўқитувчи ва ўқувчи фаолиятининг бир қисми, фаолият натижалари.
Педгогикада ўқитиш методлари турличадир. Таълим жараёни ўқувчилар фаолияти билан боғлиқ бўлиб, пассив, фаол, интерфаол турларга бўлинади.
Пассив ёндашув. Ўқитувчи мавзуни ўз маърўзаси орқали айтиб бериши ёки баён этади. Ўқувчи уларни тинглайди ва тегишли қисмларини ёзиб олади.Уй вазифаларини қўлланма, дарсликлардан ўқиб ўрганади. Бу жараёнда ўқувчи билан ўқитувчи орасида бир томонлама алоқа ўрнатилган. Ўқувчи ўз даражасида - қобилияти, қизиқиши, истаги, хоҳиши даражасида ўзлаштиради. Унда таълим мазмунини ўзлаштириш кафолатланмайди.
Фаол ёндашув. Ўқитувчи таълим мазмунини баён этиш учун бор кучини, махоратини ишга солиб далил,кўргазмали қурол, дидактик тарқатма материаллар ёрдамида яхшилаб тушунтиришга ҳаракат қилади. Ўқитувчи ўқувчилар билан мавзу юзасидан фикр алмашади, ижодий ишлар, амалий топшириқлар беради. Ўқувчилар уй ишларини мустақил ишлаш, такрорлаш орқали бажарадилар. Бу жараёнда ўқувчи билан ўқитувчи орасида икки томонлама алоқа ўрнатилади. Таълим мазмунини бирмунча ўзлаштиришга эришилади.