ЎҚув-услубий мажмуа

Маъруза № 11 
Қорин бўшлиғи аъзолари. Кавак аъзолардаги операциялар тамойиллари. Ичак чоки.
ОШҚОЗОН 
Ошқозон ўзининг анатомик жойлашган ўрнига кўра жарроҳга очиб кириш энг қулай 
органлардан бири деб саналади. Ошқозон - қорин бўшлиғи юқориги қаватининг чап томонида 
жойлашган бўлиб, унинг чиқиш қисмигина тананинг ўрта чизиғидан / текислигидан/ ўнгга 
ўтади. 
Ошқозон қориннинг олдинги деворида чап қовурға ости ва эпигастрал соҳаларга 
аксланади, яьни проекцияланади, ошқозон тўлганда унинг катта эгрилиги киндик соҳасининг 
юқориги қисмида тасвирланади /аксланади/. Ошқозоннинг кардиал қисми, туби ва танаси,
антрал ва пилорик канал қисмлари фарқ қилинади. 
Ошқозон 2 та нуқтада тутиб турилади, яъни фиксация қилинади. Кардия қисми ўрта-
сагиттал текисликдан чапроқда XI кўкрак умуртқаси сатҳида ўзининг орқа қисми билан 
қориннинг орқа девори ҳамда диафрагманинг пастки қирғоғига ёпишади. Пилорик қисми ҳам 
ўнгда, I бел умуртқаси рўпарасида қориннинг орқа деворига ёпишади. Ошқозоннинг қолган 
қисми олдиндан ва орқадаги висцерал қорин парда билан қопланган бўлиб, аъзо иккала 
фиксацияланган нуқталар орасида эркин ҳаракат қила олади. Органнинг тутган ўрни яна 
унинг боғламларига, қўшни органларнинг жойлашуви ва фўнкционал ҳолатига ҳамда қорин 
пресси мускулларининг тонусига борлиқ. 
Эмбрионда бутўн ошқозон-ичак тракти дастлаб дорсал ва вентрал дупликатурадан 
иборат. Бироқ ривожланиш жараёнида вентрал дупликатуранинг кўп қисми тескари тараққиётга 
учрайди ва фақат қизилўнгачнинг пастки қисмида, ошқозонда ва ўн икки бармоқ ичакнинг 
юқори қисмида қорин парданинг вентрал дипликатураси сакланиб қолади. Эмбрион тараққиёти 
даврида ошқозоннинг ўнгга бурилиши оқибатида дупликатураларнинг жойлашуви ҳам 
ўзгаради. 
Меgostrium ventlare
ошқозоннинг кичик эгрилигида ўнгга ва юқорига йўналиб, 
жигарнинг пастки юзасига ўтади ва кичик чарви